پشاور : صوبہ خیبرپختونخواہ کے ضلع اپردیر میں مکان میں لگنے والی آگ کے نتیجے میں 5 بچے جھلس کر جاں بحق جبکہ 2 افراد زخمی ہوگئے۔
تفصیلات کے مطابق خیبرپختونخواہ کے ضلع اپردیر میں مکان میں آتشزدگی کے باعث 5 بچے جھلس کر جاں بحق جبکہ خاتون سمیت دو افراد زخمی ہوگئے۔
پولیس کا کہنا ہے کہ ابتدائی رپورٹ کے مطابق آگ شارٹ سرکٹ کے باعث لگی جس کے نتیجے میں مکان جل کر خاکستر ہوگیا۔
پولیس حکام کا کہنا ہے کہ واقعے میں دو افراد زخمی ہوئے ہیں جنہیں علاج کے لیے قریبی اسپتال منتقل کردیا گیا۔
یاد رہے کہ رواں برس 2 مارچ کو لاہورکےعلاقےمیں گھر میں رات گئے اچانک آگ بھڑک اٹھی تھی جس کے باعث میاں بیوی اور بچی جاں بحق ہوگئے تھے۔
واضح رہے کہ گزشتہ سال 23 دسمبر کو لاہور کےعلاقے کوٹ لکھپت میں آگ لگنے کے واقعے میں ایک ہی خاندان کے 4 افراد جان کی بازی ہار گئے تھے۔
No comments:
Post a Comment