اداکارہ روینہ ٹنڈن کی قابل اعتراض فلم شب پر پابندی عائد

https://goo.gl/6XbpC3
فحش ترین کرداروں کے باوجود بھی بالی ووڈ فلمیں سینماوں کی زینت بنتی ہیں جس پر بھارتی میڈیا مزے لے لے کر تبصرے کرتا ہے لیکن اب بھارتی سنسر بورڈ نے اداکارہ روینہ ٹنڈن کو بڑا جھٹکا لگاتے ہوئے ان کی متنازعہ ترین فلم ”شب “ کے کسی ایک آدھ سین کو کاٹنے کی بجائے پوری فلم پر ہی پابندی عائد کر دی ہے۔

بھارتی نجی ٹی وی چینل ”اینڈو ٹی وی “ کے مطابق معروف بھارتی اداکارہ روینہ ٹنڈن کو انڈین سنسر بورڈ نے بڑا جھٹکا دیتے ہوئے ان کی فلم ”شب “ کے کئی سین کٹ کرنے کے بعد پوری فلم کو ہی ڈبوں میں بند کرتے ہوئے پابندی عائد کر دی ہے ، فلم میں روینہ ٹنڈن کو ایک 13سالہ لڑکے کے ساتھ عشق اور انتہائی قابل اعتراض رومانوی سین کرتے دکھایا گیا تھا ۔یاد رہے کہ اس سے پہلے بھی بھارتی سنسر بورڈ نے اس فلم کو سرٹیفکیٹ جاری کرنے سے انکار کرتے ہوئے کئی ”کٹ“ لگائے تھے

جبکہ کئی آڈیو کٹ لگا کر مشروط اجازت دی گئی تھی لیکن جب سنسر بورڈ کو کٹ لگی فلم دوبارہ سرٹیفکیٹ کے لئے پیش کی گئی تو کئی نازیبا سین کاٹنے کے بعد بھی سنسر بورڈ نے اسے سرٹیفکیٹ جاری کرنے سے انکار کر دیا ہے۔سنسر بورڈ کا کہنا ہے کہ فلم انتہائی قابل اعتراض ہے اور اس کو ٹی وی پر نشر کرنے کی اجازت نہیں دی جا سکتی ، روینہ ٹنڈن کی اس فلم میں ہم جنس پرستی اور شادی کے انتہائی نجی معاملات کو کھلے عام دکھایا گیا ہے جنہیں ٹی وی پر نہیں دکھایا جا سکتا۔
Urdu Khabrain