تمام بینک اگلے تین دن تک بند رہیں گے

https://goo.gl/wbPrjy
یکم جنوری کو بینک ہالیڈے کے سبب تمام بینک عوامی لین دین کے لیے بند رہیں گے جس کے بعد اب جمعے کی شام بند ہونے والے بینک منگل کو کھلیں گے۔
اسٹیٹ بینک آف پاکستان کی طرف سے منظور شدہ بینکس ہالیڈے کلینڈر کے تحت نئے سال کے موقع پر یکم جنوری کو تمام بینکوں میں تعطیل ہوتی ہے اس لیے یکم جنوری کو تمام کمرشل بینک، ترقیاتی و مالیاتی ادارے ہر قسم کے عوامی لین دین کے لیے بند رہتے ہیں تاہم عملہ حاضر ہوتا ہے اور اپنے کام انجام دیتا ہے۔
اسٹیٹ بینک کی طرف سے پہلے سے منظور شدہ ہفتہ وار دو تعطیلات بروز ہفتہ اور اتوار کو بدستور ہوتی ہیں اس لیے تمام بینکس اور مالیاتی ادارے ہفتہ تا پیر تین دن بند رہیں گے اور عوامی لین دین نہیں ہوسکے گا۔
خیال رہے کہ 25 دسمبر کی عام تعطیل بھی پیر کے روز آئی تھی جس کے باعث گزشتہ ہفتے بھی مسلسل تین دن تک بینک بند رہے تھے۔
Urdu Khabrain
Business Khabrain, Business News, Business Urdu News, Pakistan Business News, Pakistani News, Top Business News, Urdu Khabrain, Urdu News, Viral Business News, بزنس