سام سنگ موبائل رکھنے والے صارفین یہ خبر ضرور پڑھ لیں کہیں آپ کو تو یہ مسئلہ درپیش نہیں؟

https://goo.gl/gMBeQM
لاہور (نیوز ڈیسک ) لوگوں کی جانب سے سخت ردعمل سامنے آنے کے بعد ایپل نے پرانے آئی فون کو سست کرنے پر معذرت بھی کی تھی۔ تاہم لوگوں نے کمپنی کی معذرت مسترد کرتے ہوئے الزام عائد کیا کہ کمپنی ایسا اس مقصد کے لیے کرتی ہے تاکہ صارف نیا فون لینے پر مجبور ہوجائیں۔ ایپل کے اس معاملے کے بعد یہ خیال بھی کیا جا رہا تھا کہ دیگر

کمپنیاں بھی اپنے موبائلز کو جان بوجھ کر سست کرتی ہوں گی۔ تاہم موبائل صارفین کے خدشات کو مدنظر رکھتے ہوئے جنوبی کورین کمپنی ’سام سنگ‘ اور ’ایل جی‘ نے اپنے وضاحتی بیان میں کہا ہے کہ وہ ایپل کی پالیسی کی طرح کام نہیں کرتیں۔ٹیکنالوجی نشریاتی ادارے فون ایرینا ڈاٹ کام کو کی گئی ای میل میں سام سنگ اور ایل جی نے واضح کیا کہ وہ اپنے پرانے موبائل کو سست نہیں کرتے۔ ایل جی الیکٹرانکس نے اپنے مختصر بیان میں کہا کہ وہ اپنے کسی بھی پرانے سمارٹ موبائل کو سست نہیں کرتا اور کمپنی کو اندازہ ہے کہ ان کے صارفین ان سے کیسی امیدیں رکھتے ہیں۔ سام سنگ نے بھی اپنی وضاحتی ای میل میں اس بات کی تصدیق کی کہ وہ اپنے کسی بھی پرانے اسمارٹ اینڈرائڈ یا دیگر فون کو سست نہیں کرتی۔ سام سنگ کے مطابق کمپنی موبائل فون کی زندگی بڑھاتے وقت خصوصی سافٹ ویئرز کے ذریعے اس کے سی پی یو کی رفتار کو کم نہیں کرتی۔اگرچہ سام سنگ نے اپنے پرانے موبائلز کی رفتار کم نہ کرنے کی تصدیق کی ہے، تاہم اس کے موبائل میں بیٹریوں کے مسائل سامنے آتے رہتے ہیں۔ رواں ماہ 28 دسمبر کو بھی سام سنگ کے گلیکسی نوٹ 8 کی بیٹری میں خرابی کی شکایت سامنے آئی، صارفین کے مطابق موبائل کی بیٹری درست طریقے سے چارج نہیں ہو رہی۔ بیٹری میں شکایت آنے کے بعد تاحال سام سنگ کا کوئی رد عمل سامنے نہیں آیا۔
Urdu Khabrain