لڑکیوں کی تعلیم کے لیے ایپل اور ملالہ یوسف زئی ایک ساتھ

https://goo.gl/618YAV
معروف ٹیکنالوجی کمپنی ایپل نے اعلان کیا ہے کہ وہ پاکستانی نوبل انعام یافتہ طالبہ ملالہ یوسف زئی اور ان کی تنظیم ملالہ فنڈ کے ساتھ مل کر لڑکیوں کی تعلیم کے لیے کام کریں گے۔

گزشتہ روز ایپل کے سربراہ ٹم کک اور ملالہ یوسف زئی نے لبنان میں لبنانی اور شامی طلبا سے ملاقات کی۔ اس موقع پر ایپل نے اعلان کیا کہ وہ لڑکیوں کی تعلیم کے لیے ملالہ یوسف زئی کے ساتھ کام کریں گے۔

ایپل کی معاونت سے فی الحال اس پروگرام کا آغاز بھارت اور لاطینی امریکا میں شروع کیا جائے گا۔

ملالہ یوسفزئی کا ’گل مکئی نیٹ ورک‘ اس وقت پاکستان، افغانستان، لبنان، ترکی اور نائجیریا میں لڑکیوں کو تعلیم حاصل کرنے میں مدد دینے کے لیے کوشاں ہے۔

اس موقع پر ملالہ کا کہنا تھا، ’مجھے خوشی ہے کہ ایپل لڑکیوں کی تعلیم پر سرمایہ کاری کرنے کی اہمیت جانتا ہے اور وہ ملالہ فنڈ کے ساتھ دنیا بھر کی لڑکیوں کو بغیر کسی خوف کے تعلیم حاصل کرنے میں مدد فراہم کر رہا ہے‘۔


Urdu Khabrain
Pakistan Women News, Pakistani News, Urdu Khabrain, Urdu News, Viral Women News, Women Khabrain, Women News, Women Urdu News, اور, ایپل, ایک, تعلیم, خواتین, زئی, ساتھ, لڑکیوں, لیے, ملالہ, کی, کے, یوسف