میجر اسحاق کو شہید کرنے والا دہشت گرد ساتھی سمیت ہلاک

https://goo.gl/ft4REu
راولپنڈی : ڈیرہ اسماعیل خان میں میجر اسحاق کو شہید کرنے والا دہشت گرد ظاہر شاہ اپنے ساتھی سمیت سیکیورٹی فورسز کے ساتھ مقابلے میں مارا گیا اس دوران 4 دہشت گردوں کو حراست میں لے لیا گیا ہے.

تفصیلات کے مطابق ڈیرہ اسماعیل خان کے علاقے کلاچی میں سیکیورٹی فورسز اور دہشت گردوں کے درمیان ہونے والے مقابلے میں بدنام زمانہ دہشت گرد ظاہر شاہ اپنے ایک ساتھی سمیت جہنم واصل ہوگیا ہے جب کہ 4 دہشت گردوں کو بھی گرفتار کیا گیا ہے۔

ڈی جی آئی ایس پی آر میجر جنرل آصف غفور کے مطابق میجراسحاق کو شہید کرنے والا دہشت گرد ظاہرشاہ کا تعلق کالعدم تحریک طالبان سے تھا جو اپنے ساتھی سمیت کلاچی میں انٹیلی جنس آپریشن کے نتیجے میں مارا گیا ہے اس دوران سیکیورٹی فورسز نے 4 دہشت گردوں کو بھی گرفتار کرلیا ہے۔

ڈی جی آئی ایس پی آر میجر جنرل آصف غفور کا کہنا ہے کہ مذکورہ دہشت گرد دیسی ساختہ بارودی سرنگ نصب کرنے کے مشن پر تھے کہ سیکیورٹی فورسز نے مصدقہ اطلاعات پر آپریشن کر کے دہشت گردوں کا منصوبہ ناکام بنادیا اور شہر کو بڑے نقصان سے بچالیا۔



خیال رہے 22 نومبر 2017 کو ڈیرہ اسماعیل خان کے علاقے کولاچی میں دہشت گردوں کی کمین گاہوں کے خلاف آپریشن میں میجر اسحاق نے دلیرانہ مقابلہ کرتے ہوئے دہشت گردوں کی فائرنگ سے جام شہادت نوش کی  تھی۔
Urdu Khabrain
Breaking Pakistani News, Daily Pakistan News, Online Pakistani News, Pakistan latest News, Pakistan News, Pakistan Urdu News, Pakistani Khabrain, Top Pakistani News, اسحاق, دہشت, ساتھی, سمیت, شہید, میجر, والا, پاکستان, کرنے, کو, گرد, ہلاک