ٹرمپ کی پالیسیوں سے تنگ آکر پاناما میں امریکی سفیر مستعفی

https://goo.gl/e7rbqp
امریکی صدر ڈونلڈ ٹرمپ کی پالیسیوں سے اختلافات کے باعث پاناما میں امریکی سفیر مستعفی ہوگئے۔

غیر ملکی خبر رساں ادارے کے مطابق ڈونلڈ ٹرمپ کی ٹیم میں اختلافات بڑھتے جارہے ہیں اور امریکی صدر کی پالیسیوں سے تنگ آکر متعدد حکام ان سے راستہ جدا کرچکے ہیں۔ ڈونلڈ ٹرمپ کی پالیسیوں سے تنگ آکر وسطی امریکی ملک پاناما میں بھی امریکی سفیر جون ڈی فیلے نے استعفی دے دیا ہے۔ جان ڈی فیلی نے امریکی حکومت کو اپنا استعفیٰ بھجوادیا ہے۔

سبکدوش سفیر جان ڈی فیلے نے میڈیا سے گفتگو کرتے ہوئے بتایا کہ میں نے صدر اور انتظامیہ کیلیے وفاداری کے ساتھ کام کا حلف لیا تھا، مجھے بتایا گیا تھا کہ وفاداری نہ کرسکوں تو عہدہ چھوڑدوں، تو اس کا وقت آگیا ہے، اب ٹرمپ کے لیے مزید کام نہیں کرسکتا۔

امریکی محکمہ خارجہ نے استعفے کی تصدیق کرتے ہوئے بتایا کہ پاناما میں امریکی سفیرجان ڈی فیلے 9 مارچ کو عہدہ چھوڑ دیں گے۔
Urdu Khabrain
Pakistan World News, Pakistani News, Top World News, Urdu Khabrain, Urdu News, Viral World News, World Khabrain, World News, World Urdu News, انٹرنیشنل