”ماڈلنگ شروع کی تو ایک ماڈل نے مجھ سے کہا۔۔۔“ سوناکشی سنہا نے اپنے ساتھ پیش آنے والے شرمناک واقعے سے پردہ اٹھا دیا، ماڈل نے انہیں کیا کہہ کر پکارا؟ تفصیلات نے سب کو پریشان کر دیا

https://goo.gl/W9i8ax
 کسی کو ظاہری حسن اور جسمانی ساخت کی بناءپر مذاق بنانا کوئی نئی بات نہیں ہے لیکن افسوس بناک بات یہ ہے کہ بڑے بڑے اداکار اور اداکارائیں بھی اس سے بچ نہیں پاتیں اور ان کیساتھ ایسے واقعات پیش آ جاتے ہیں کہ یقین کرنا مشکل ہو جاتا ہے۔اداکارہ سوناکشی سنہا نے بھی اپنے ساتھ پیش آنے والا ایک ایسا ہی واقعہ سنایا تو سب پریشان ہو گئے کہ

کس طرح انہیں ایک معروف ماڈل نے صرف اس لئے شرمناک الفاظ استعمال کرتے ہوئے انہیں مخاطب کیا کیونکہ وہ دیگر ماڈلز کی طرح دبلی پتلی نہیں تھیں۔ وہ اپنے بہترین دوست منیش ملہوترا کیساتھ بھارتی پروگرام ”BFFs with Vogue“ میں انٹرویو دیتے ہوئے انہوں نے میزبان نیہا دھوپیا کو واقعہ سنایا تو سننے والے حیران پریشان رہ گئے۔ سوناکشی کے مطابق جب انہوں نے ماڈلنگ شروع کی تو ایک ماڈل نے انہیں جسمانی ساخت کی وجہ سے ”گائے“ کہہ کر پکارا۔

انہوں نے بتایا کہ جب انہوں نے ریمپ پر واک کی تو معروف ماڈل شمیتا سنگھا نے کہا کہ ”یہ گائے کیٹ واک پر کیا کر رہی ہے۔۔۔؟“ اداکارہ سوناکشی سنہاءواقعی میں دبلی پتلی نہ تھیں لیکن بہت سے لوگ ان سے صرف اس لئے متاثر ہیں کہ انہوں نے دیکھتے ہی دیکھتے خود کو یکسر بدل دیا ہے۔

انہوں نے اس طرح کے لوگوں اور باتوں سے بچتے ہوئے اپنے سفر کی کہانی بتاتے ہوئے کہا کہ ”میں نے غلط خیالات کو روکا، میں غیر متعلقہ تجاویز کو اہمیت نہیں دیتی۔ وزن زیادہ ہونے کے باعث مجھے سکول میں بھی ہراساں کیا گیا، لیکن میں جو تھی اس پر ہمیشہ فخر کیا۔ جب میں انڈسٹری میں آئی تو 90 کلو سے وزن کم کر کے 60 کلو کیا کیونکہ ظاہری حسن بہت معنی رکھتا ہے۔ میرے زیادہ وزن کے باوجود پہلی فلم دبنگ سپر ہٹ رہی، تو پھر کوئی مجھے یہ بتانے والا کون ہوتا ہے کہ مجھے کیا ہونا چاہئے۔۔۔؟“
Urdu Khabrain