سعودی عرب: پاکستانی ثقافت کے رنگ بکھر گئے، میلے کا انعقاد

https://goo.gl/XsWDG4
ریاض: سعودی عرب میں موجود پاکستانی سفارت خانے میں فیملی فن میلے کا انعقاد کیا گیا جس میں ملکی ثقافت کے رنگ بکھر گئے، میلے میں پاکستانیوں کے علاوہ غیر ملکی سفارتی عملے نے بھی بھرپور شرکت کی۔

تفصیلات کے مطابق سعودی عرب کے دارالحکومت ریاض میں واقع پاکستانی سفارت خانے میں خواتین کی تنظیم ’ہمنوا لیڈیز کلب‘ کی جانب سے فیملی فن کا انعقاد کیا گیا جس میں مختلف اشیاء کے اسٹالز لگائے گئے۔



میلے میں خواتین کے لیے جیولری، میک اب، ہاتھ کی بنی ہوئی اشیاء اور پاکستانی کھانوں اور خواتین کے ملبوسات کے اسٹالز عوام کی توجہ کا مرکز بنے، چٹ پٹے کھانے دیکھ کر سعودی عرب میں مقیم پاکستانی شہری رُک نہ سکے اور انہوں نے خوب سیر ہوکر مزیدار کھانے کھائے۔



فیملی فن میلے کا افتتاح پاکستانی سفیر ھشام بن صدیق نے کیا جس کے بعد انہوں نے تمام اسٹالز کا دورہ بھی کیا، میڈیا سے گفتگو کرتے ہوئے اُن کا کہنا تھا کہ ‘سفارت خانے کی جانب سے ہمیشہ اس طرح کی تقریبات منعقد کی جاتی ہیں جن کو نہ صرف سراہا جاتا ہے بلکہ ہر یہاں موجود عملہ ہر ممکن تعاون بھی کرتا ہے‘۔



لیڈیز کلب کی عہدیدار شمائلہ شہباز اور بلقیس صفدر کا کہنا تھا کہ ’ہماری ہمیشہ کوشش رہی ہے کہ ہم وطنوں کو دیارِ غیر میں بہتر تفریحی ماحول فراہم کریں، اس پروگرام سے حاصل ہونے والے آمدنی مستحق خاندانوں میں تقسیم کی جائے گی‘۔



فیملیز کے لیے سجائے گئے میرے میں گلوکاروں نے بھی اپنے فن کا مظاہرہ کیا، شرکاء موسیقی کی دھن سے نہ صرف محظوظ ہوئے بلکہ انہوں نے رقص بھی کیا۔


Urdu Khabrain
LifeStyle Khabrain, LifeStyle News, LifeStyle Urdu News, Pakistan LifeStyle News, Pakistani News, Urdu Khabrain, Urdu News, Viral LifeStyle News, انعقاد, بکھر, ثقافت, رنگ, سعودی, عرب, لائف-اسٹائل, میلے, پاکستانی, کا, کے, گئے