”رضا ربانی کے بعد مشاہد حسین پرتمام پارٹیوں کا اتفاق ہوسکتا ہے“صحافی نے یہ بات کہی تو آگے سے نواز شریف نے ایسی حرکت کردی کہ ہر طرف قہقہے بلند ہوگئے

https://goo.gl/ZNrQvz
اسلام آباد (ڈیلی پاکستان آن لائن) نواز شریف کی احتساب عدالت کے باہر میڈیا ٹاک اس وقت زعفران زار ہوگئی جب مشاہد حسین کے نام پر نواز شریف نے میڈیا ٹاک کا اختتام کردیا۔
احتساب عدالت کے باہر مسلم لیگ ن کے قائد میاں نواز شریف میڈیا ٹاک کر رہے تھے کہ اسی دوران ایک صحافی نے سوال کیا کہ ”رضا ربانی کے نام پر تمام پارٹیاں اتفاق کرتی ہیں کیا مسلم لیگ ن کے پاس ایسا کوئی امیدوار ہے جس پر ساری پارٹیاں اتفاق کرتی ہوں“۔ اس سوال کے جواب میں صحافیوں میں موجود ایک شخص نے مشاہد حسین کا نام لیا تو نواز شریف نے ہنستے ہوئے کہا ’چلیں پھر چلتے ہیں، تھینک یو‘ ۔ جس کے بعد نواز شریف سیڑھیاں اتر گئے ، ان کی اس حرکت پر ہر طرف قہقہے بلند ہوگئے۔ ایک سیڑھی اترنے کے بعد نواز شریف نے صحافیوں کے ساتھ ہنستے ہوئے دوبارہ بات چیت شروع کردی اور کہا ”مشاہد حسین بہت اچھے ہیں اور میں انہیں ذاتی طور پر پسند کرتا ہوں، میں اس لیے نیچے اترا ہوں کہ اس طرح کی باتیں اس ماحول میں نہ ہی ہوں تو اچھا ہے“۔
Urdu Khabrain