شہر قائد میں پولیس کی کارروائی،کالعدم تنظیم سے منسلک مطلوب دہشت گرد گرفتار

https://goo.gl/129yY9
کراچی(ڈیلی پاکستان آن لائن) کراچی پولیس نے القاعد ہ برصغیر سے منسلک انتہائی مطلوب دہشت گرد گرفتار کرلیا ۔
تفصیلات کے مطابق ایس ایس پی کراچی مغربی عمر شاہد حامد کا کہنا ہے کہ گرفتار ملزم احسن محسود عرف روشن دہشت گردی کے واقعات میں ملوث ہے اور اس نے 2013 میں متحدہ قومی موومنٹ پاکستان کے سربراہ ڈاکٹر فاروق ستار کی ریکی کے احکامات بھی جاری کیے تھے۔ان کا کہنا تھا کہ خفیہ اطلاع پر سپرنٹنڈنٹ پولیس اورنگی عابد علی بلوچ کی سربراہی میں پولیس نے کارروائی کرتے ہوئے احسن کو گرفتار کیا اور بھاری تعداد میں بارودی مواد بھی بر آمد کیا۔
خیال رہے کہ مئی 2015 میں صفورہ گوٹھ کے قریب اسماعیلی کمیونٹی کی بس پر دہشت گردوں کے حملے میں 18 خواتین سمیت 47 افراد ہلاک ہوئے تھے۔
Urdu Khabrain