امیتابھ بچن کا ہم شکل پاکستانی نکلا، تصویر وائرل

https://goo.gl/8TX7yV
ممبئی: بالی ووڈ کے بے تاج بادشاہ امیتابھ بچن کا ہم شکل پاکستانی نکلا جس کی تصویر سوشل میڈیا پر وائرل ہوگئی، اداکار کے مداح حیران رہ گئے۔

تفصیلات کے مطابق چند روز قبل لیجنڈری اداکار امیتابھ بچن کی ایک تصویر وائرل ہوئی تھی جس میں امیتابھ عمر رسیدہ اور بوڑھے نظر آرہے تھےجسے دیکھ کر ان کے مداحوں نے خیال ظاہر کیا کہ یہ فلم ’ٹھگز آف ہندوستان‘ میں بگ بی کی پہلی جھلک ہے۔

لوگوں کی جانب سے یہ رائے بھی قائم کی جانے لگی تھی کہ یہ امیتابھ پچن ہی ہیں جو ایک نئے کردار کے روپ میں نظر آرہے ہیں، جس میں انہیں کافی بوڑھا اور کمزور دکھایا گیا ہے تاہم فلمی مداح اس وقت حیرت میں مبتلا ہوگئے جب انہیں پتا چلا کہ یہ تصویر بچن کی نہیں بلکہ ان کے ہم شکل کی ہے جو پاکستان میں موجود ہے۔

خیال رہے کہ گذشتہ دنوں معروف فوٹو گرافر ’سٹیون میکلی‘ نے پاکستان میں ایک افغان پناہ گزین (شہباز) کی تصویر کھینچی تھی جس کی شکل بھارتی ادکار امیتابھ بچن سے ملتی ہے، تاہم انہوں نے جب یہ تصویر سوشل میڈیا پر اپ لوڈ کی تو لوگوں کو امیتابھ بچن کا یہ نیا لک لگا تھا۔

بھارتی میڈیا کی تصدیق کے بعد تصویر سے متعلق ہونے والے تمام تر قیاس آرائیاں دم توڑ گئیں جس میں یہ کہا جارہا تھا کہ یہ  امیتابھ بچن کی نئی فلم ٹھگز آف ہندوستان کا ایک کردار ہے۔

یاد رہے کہ امیتابھ بچن ان دنوں عامر خان کی فلم ’ٹھگز آف ہندوستان‘ کی شوٹنگ کے سلسلے میں جود پور میں موجود ہیں، فلم میں ان کے ہمراہ کترینہ کیف اور فاطمہ ثنا شیخ بھی اداکاری کے جوہر دکھاتے ہوئے نظر آئیں گی۔
Urdu Khabrain
Pakistan Showbiz News, Pakistani News, Showbiz Khabrain, Showbiz News, Showbiz Urdu News, Top Showbiz News, Urdu Khabrain, Urdu News, Viral Showbiz News, امیتابھ, بچن, تصویر, شوبز, شکل, نکلا, وائرل, پاکستانی, کا, ہم