وائٹ ہاؤس کے قریب ایک شخص نے گولی مار کر خود کشی کرلی

https://goo.gl/WqD8YC
واشنگٹن (اے این این)وائٹ ہاؤس کے سامنے ایک نامعلوم شخص نے خود کو گولی مار کر اپنی زندگی کا خاتمہ کرلیا ، واقعے کے وقت امریکی صدر ڈونلڈ ٹرمپ وائٹ ہاؤس میں موجود نہیں تھے ۔
غیرملکی میڈیا کے مطابق امریکی شہر واشنگٹن میں سیکرٹ سروس کا کہنا ہے کہ ایک شخص نے وائٹ ہاؤس کے سامنے گولی مار کر خودکشی کر لی ہے۔یہ شخص (جی ایم ٹی پنسلوینیا ایونیو )پر واقع وائٹ ہاؤس کے جنگلے قریب آیا اور جیب سے پستول نکال کر کئی فائر کئے۔پولیس کا کہنا ہے کہ اس واقعے میں کوئی اور زخمی نہیں ہوا جبکہ اس واقعے کے وقت صدر ڈونلڈ ٹرمپ وائٹ ہاؤس میں موجود نہیں تھے بلکہ وہ فلوریڈا گئے ہوئے ہیں۔عینی شاہدین کے حوالے سے کہا ہے کہ یہ شخص مجمعے میں شامل تھا۔سیکرٹ سروس یا پولیس نے خودکشی کرنے والے شخص کا نام ظاہر نہیں کیا ہے۔
این بی سی نیوز کے وائٹ ہاؤس کے نامہ نگار جیف بینیٹ نے بتایا کہ صحافیوں نے وائٹ ہاؤس کے بریفنگ روم میں پناہ لی۔واضح رہے کہ حالیہ برسوں میں وائٹ ہاؤس کے قریب کئی واقعات ہو چکے ہیں۔ایک تازہ ترین واقعہ 23فروری کو پیش آیا جب ایک 35 سالہ خاتون نے اپنی گاڑی وائٹ ہاس کے سیکورٹی بیریئر پر ماری۔
Urdu Khabrain