ارجن رام پال اور ان کی بیوی مہر جیسیا میں شادی کے بیس سال بعد علیحدگی -

https://is.gd/QUJejz
نئی دہلی: بالی ووڈ اداکار ارجن رام پال اور ان کی بیوی سابقہ سپر ماڈل مہر جیسیا نے شادی کے بیس سال بعد علیحدہ ہونے کا اعلان کردیا ہے۔

تفصیلات کے مطابق اداکار اور سپر ماڈل کی جوڑی نے اپنے بیان میں کہا ہے کہ وہ اپنی شادی شدہ زندگی سے الگ ہورہے ہیں اور  اب ان کی ساری توجہ کا مرکز دونوں بیٹیاں ہوں گی۔

ان کا کہنا تھا کہ ان کا طویل تعلق اپنے اختتام کو پہنچ گیا ہے لیکن ایک دوسرے کے لیے ان کی محبت ختم نہیں ہوگی، خیال رہے کہ یہ اعلان کئی ہفتوں کی افواہوں کے بعد سامنے آیا ہے۔

ارجن رام پال اور مہر جیسیا نے اپنے مشترکہ بیان میں کہا ہے کہ بیس سالہ خوب صورت اور طویل زندگی محبتوں سے بھرپور رہی، ہمارے پاس خوب صورت یادیں ہیں، لیکن اب ہم نے فیصلہ کیا ہے یہاں سے الگ منزلوں کی طرف روانہ ہوں، ہم ایک نیا سفر شروع کر رہے ہیں اور ماضی کی طرح ایک دوسرے کے ساتھ مخلص رہیں گے۔

ان کا کہنا تھا کہ ہم نے کبھی بھی نجی معاملات اس طرح طشت از بام نہیں کیے لیکن حالات ایسے ہوگئے ہیں کہ ہمیں یہ اعلان کرنا پڑ رہا ہے کیوں کہ سچ کو توڑا مروڑا جاسکتا ہے۔

مشترکہ بیان میں ان کا کہنا تھا کہ وہ ایک فیملی ہیں اور ایک دوسرے کے لیے حاضر رہیں گے بالخصوص دونوں بیٹیوں ماہیکا اور مائرہ کے لیے، انھوں نے کہا رشتہ ختم ہوگیا ہے لیکن محبت جاری رہے گی۔

واضح رہے کہ ارجن رام پال اور مہر جیسیا کی شادی 1998 میں ہوئی تھی اور ان کی دو بیٹیاں سولہ سال کی ماہیکا اور تیرہ سال کی مائرہ ہیں۔ ارجن اور مہر نوّے کی دہائی کے سپر ماڈلز میں شمار ہوتے ہیں تاہم بعد میں ارجن نے فلم انڈسٹری میں اپنا کام یاب کیریئر بنایا۔
Urdu Khabrain
Pakistan Showbiz News, Pakistani News, Showbiz Khabrain, Showbiz News, Showbiz Urdu News, Top Showbiz News, Urdu Khabrain, Urdu News, Viral Showbiz News, ارجن, ان, اور, بعد, بیس, بیوی, جیسیا, رام, سال, شادی, شوبز, علیحدگی, مہر, میں, پال, کی, کے