بھارتی جیل میں قید حریت رہنما کی بیٹی نے سی بی ایس ای امتحانات میں ٹاپ کرلیا

https://is.gd/5js9Dh
سرینگر: بھارتی جیل میں قید کشمیری رہنما شبیر شاہ کی صاحبزادی سما شبیر نے سی بی ایس ای بارہویں جماعت کے امتحانات میں بھارت سمیت پورے کشمیر میں ٹاپ پوزیشن حاصل کرلی۔

غیر ملکی خبر رساں ادارے کے مطابق سما شبیر نے کہا کہ میرے والد میرے لیے رول ماڈل ہیں، میں اکثر ان سے ملنے تہاڑ جیل جاتی تو گھنٹوں انتظار کرایا جاتا میں اکثر جیل کے باہر بیٹھ کر پڑھائی کرتی رہتی تھی۔

سما شبیر نے سی بی ایس ای بارہویں جماعت کے امتحانات میں 97.8 اوسط سے 500 میں سے 489 نمبرز حاصل کئے ہیں۔
سما شبیر کا کہنا ہے کہ ان کے والد شبیر شاہ 50 سال کے ہیں اور انہوں نے کشمیری کی آزادی کی جدوجہد کے لیے بڑی قربانیاں دی ہیں اور 31 سال کا طویل عرصہ بھارت کی مختلف جیلوں میں گزارا ہے۔



بارہویں جماعت کے امتحانات میں پورے کشمیر میں ٹاپ کرنے والی سما شبیر کا کہنا تھا کہ ان کی والدہ ڈاکٹر ہیں اور وہ خود وکیل بن کر کشمیریوں اور دیگر مظلوموں کا مقدمہ لڑنا چاہتی ہیں۔

سما کو دکھ ہے کہ وہ اپنی کامیابی سے والد کو آگاہ نہیں کرسکیں کیونکہ ان کے والد بھارتی تلہار جیل میں گزشتہ ایک سال سے قید ہیں، تاہم انہیں امید ہے کہ والد نے جیل میں اخبار پڑھا ہوگا تو ان کی کامیابی پر فخر محسوس کریں گے۔

جموں و کشمیر کی وزیر اعلیٰ محبوبہ مفتی کا سماجی رابطے کی ویب سائٹ پر سما شبیر کو امتحانات میں کامیابی پر مبارکباد پیش کی اور کہا کہ سما کی کامیابی ان کی کڑی محنت کا نتیجہ ہے اور سما شبیر ضلع کی نوجوان لڑکیوں کے مثال ہیں۔
Urdu Khabrain
Pakistan Women News, Pakistani News, Urdu Khabrain, Urdu News, Viral Women News, Women Khabrain, Women News, Women Urdu News, امتحانات, ای, ایس, بھارتی, بی, بیٹی, جیل, حریت, خواتین, رہنما, سی, قید, میں, نے, ٹاپ, کرلیا, کی