https://is.gd/qi5lxr
پشاور: صوبہ خیبر پختونخواہ کی نگراں کابینہ نے 4 ماہ کے لیے 1 کھرب 98 ارب 90 کروڑ روپے کے مالیت کے بجٹ کی منظوری دے دی ہے۔
تفصیلات کے مطابق صوبہ خیبر پختونخواہ کی کابینہ اجلاس میں نگراں کابینہ نے 4 ماہ کے بجٹ کی منظوری دے دی۔ 1 کھرب 98 ارب 90 کروڑ کے بجٹ کی منظوری دی گئی ہے۔
بجٹ میں اخراجات کے لیے ایک کھرب 45 ارب 40 کڑور روپے، ترقیاتی منصوبوں کے لیے 53 ارب 10 کروڑ روپے اور بجٹ میں تنخواہوں کی مد میں 84 ارب 20 کروڑ روپے رکھے گئے ہیں۔
نان سیلیری بجٹ کے لیے 61 ارب 60 کروڑ روپے، پنشنرز کے لیے 20 ارب روپے اور ضلعی حکومتوں کے لیے 66.4 ارب روپے مختص کیے گئے ہیں۔
تنخواہوں کی مد میں ضلعی حکومتوں کو 46.7 ارب دیے جائیں گے جبکہ ڈسٹرکٹ ڈیولپمنٹ گرانٹ میں 9 ارب 80 کروڑ روپے دیے جائیں گے۔
نگراں کابینہ نے صحت کے لیے 2 ارب 79 کروڑ روپے، ابتدائی و ثانوی تعلیم کے لیے 3 ارب 39 کروڑ روپے مختص، سڑکوں کی تعمیر اور بحالی کے لیے 3 ارب روپے جبکہ اعلیٰ تعلیم کے لیے ایک ارب 62 کروڑ روپے مختص کیے گئے ہیں۔
بجٹ میں سرکاری ملازمین کی تنخواہوں میں 10 فیصد اضافے جبکہ ہاؤس رینٹ الاؤنس میں 50 فیصد اضافے کی منظوری بھی دی گئی۔
Urdu Khabrain
بجٹ, ماہ, منظور, نگراں, نے, پختونخواہ, کا, کابینہ, کرلیا, کی
Thursday, 28 June 2018
پختونخواہ کی نگراں کابینہ نے 4 ماہ کا بجٹ منظور کرلیا
Subscribe to:
Post Comments (Atom)
No comments:
Post a Comment