آئی ایم ایف کی پاکستان کے قرضوں میں ہوشربا اضافے کی پیشگوئی -

https://goo.gl/MSAKXL
اسلام آباد: آئی ایم ایف نے پاکستان کے قرضوں میں ہوشربا اضافے کی پیشگوئی ہے۔ آئی ایم ایف کے مطابق سنہ 2020 تک پاکستان پر قرضوں کا حجم 114 ارب ڈالر ہوجائے گا۔

تفصیلات کے مطابق انٹرنیشنل مانیٹری فنڈ (آئی ایم ایف) نے پاکستان کے قرضوں کے متعلق اپنی رپورٹ جاری کرتے ہوئے خبردار کیا ہے کہ سنہ 2020 تک پاکستان پر قرضوں کا حجم 114 ارب ڈالر ہوجائے گا۔

رپورٹ کے مطابق رواں برس 2018 میں قرضوں کا حجم 93 ارب 27 کروڑ ڈالر ہے۔ رواں برس پاکستان کو 7 ارب 73 کروڑ ڈالر کی ادائیگیاں کرنی ہیں۔ سنہ 2019 میں ادائیگیاں بڑھ کر 12 ارب 73 کروڑ ڈالر ہوجائیں گی۔

آئی ایم ایف کا کہنا ہے کہ زرمبادلہ ذخائر میں کمی کا سلسلہ تھمنے والا نہیں ہے۔ اگلے برس 2019 میں زرمبادلہ ذخائر کم ہو کر ساڑھے 10 ارب ڈالر ہوجائیں گے۔

رپورٹ میں کہا گیا کہ سال 2020 میں صرف ساڑھے 9 ارب ڈالر کے ذخائر رہ جائیں گے۔
Urdu Khabrain
Business Khabrain, Business News, Business Urdu News, Pakistan Business News, Pakistani News, Top Business News, Urdu Khabrain, Urdu News, Viral Business News, ائی, اضافے, ایف, ایم, بزنس, قرضوں, میں, پاکستان, پیشگوئی, کی, کے, ہوشربا