سونے کی قیمت میں غیر معمولی اضافے کی وجہ سے خریدار تذبذب کا شکار ہیںموجودہ قیمت جانیے؟

https://is.gd/KmXWh1
لاہور(نیوزڈیسک ) ڈالر کے مقابلے میں روپے کی قدر میں غیر معمولی کمی ملکی صرافہ مارکیٹ پر بھاری پڑنے لگی۔ گزشتہ پانچ برس میں ڈالر 20 روپےسے زائد مہنگا ہونے اوربین الاقومی منڈیوں میں سونے کی قیمتوں میں اضافے نے ملکی صرافہ مارکیٹس میں کاروباری سرگرمیوں کو ماند کر دیا۔2013 ء میں بین الاقوامی منڈی میں فی اونس خالص
سونے کی قیمت 1270 سے 1300 ڈالر تھی جبکہ انٹر بینک ڈالر کی قیمت 98 روپے سے 100 روپے ہونے کے باعث ملکی صرافہ مارکیٹ میں قیمتوں پر زیادہ اثرات نہیں تھے ،جس کے باعث مقامی صرافہ مارکیٹ میں سونے کی قیمت42 ہزار سے 43 ہزار روپے فی تولہ رہی،لیکن روپے کی قدر میں ہونے والی مسلسل کمی کے باعث قیمتوں میں غیر معمولی اضافے کا رجحان غالب رہا۔حالیہ دنوں میں سونے کی قیمت پانچ سال کی بلند ترین سطح یعنی 60 ہزار روپے فی تولہ کی حد عبور کرچکا ہے ۔ گزشتہ پانچ سال میں مقامی مارکیٹ میں سونا 18 ہزار روپے فی تولہ تک بڑھ چکی ہیں جسکی سب سے بڑی وجہ روپے کی قدر میں مسلسل کمی ہے ۔ حالیہ دنوں میں انٹر بنک ڈالر کی قیمت117روپے تک ہوچکی ہے جبکہ سونے کی بین الاقوامی منڈی میں قیمت میں معمولی اضافہ ہوا ہے جوکہ 1300 سے بڑھ کر1336 ڈالر فی اونس ہوئی ہے ۔صرافہ مارکیٹ کے جنرل سیکرٹری طاہر محمود بھٹی نے روزنامہ دنیاسے گفتگو کرتے ہوئے کہا کہ بین الاقوامی سطح پر گزشتہ پانچ برس میں سونے

کی قیمت میں انتہائی معمولی اضافہ ہوا ہے لیکن ڈالر کی قیمت میں غیر معمولی اضافہ کی وجہ سے پاکستان کی صرافہ مارکیٹ بری طرح متاثر ہورہی ہے۔
Urdu Khabrain
Business Khabrain, Business News, Business Urdu News, Pakistan Business News, Pakistani News, Top Business News, Urdu Khabrain, Urdu News, Viral Business News, بزنس