لذیذ سندھی بریانی بنانے کی ترکیب جانیں

https://is.gd/dK1xWL
سندھی بریانی سندھ کی ایک مقبول ڈش ہے جو اپنے منفرد ذائقے کی وجہ سے ملک بھر میں نہایت شوق سے کھائی جاتی ہے۔ اسے بنانے کی ترکیب جانیں۔

چکن یا مٹن: 1 سے ڈیڑھ کلو

چاول: 1 کلو

آلو: ایک گرام

ٹماٹر: 2 سے 3 عدد

دہی: 250 گرام

آلو بخارے: 10 سے 15 عدد

سرخ مرچ: 1 چائے کا چمچ

نمک: حسب ذائقہ

پیاز: 3 عدد

لہسن کا پیسٹ: 2 چائے کے چمچ

ادرک: 1 چائے کا چمچ

چھوٹی الائچی: 8 عدد

بڑی الائچی: 4 عدد

لونگ: 10 عدد

کالی مرچ: 10 عدد

زیرہ: 1 چائے کا چمچ

دار چینی: 1 چائے کا چمچ

تیز پات کے پتے: 2 عدد

تیل: 250 گرام

سبز مرچیں: 6 عدد

ہرا دھنیہ: تھوڑا سا

پودینہ: تھوڑا سا

کیوڑا: 1 چائے کا چمچ

فوڈ کلر (زرد) 2 چٹکیاں

چینی: 1 چائے کا چمچ

لچھے دار پیاز کاٹ کر فرائی کرلیں، سنہری ہونے کے بعد آدھے نکال کر علیحدہ رکھ لیں۔

آدھے پیاز میں لہسن، ادرک، نمک، مرچ، الائچی، کالی مرچ، زیرہ، دار چینی، لونگ، تیز پات اور دہی ڈال دیں۔

اس سب کو پانی خشک ہونے تک فرائی کر لیں۔

اب اس میں مٹن یا چکن ڈال دیں۔ مٹن کی صورت میں اتنا پانی ڈالیں کہ گوشت گل جائے جبکہ چکن کے لیے پانی کی ضرورت نہیں ہے۔

آلو کو کاٹ کر اس کے ٹکڑے کر لیں اور تھوڑا سا سخت رکھ کر ابال لیں۔

چاولوں کو پانی میں آدھا گھنٹہ بھگونے کے بعد ان کو ابال کر پانی سے دھو لیں۔

ٹماٹر، ہری مرچیں، دھنیہ، پودینہ، آلو بخارے، ابلے ہوئے آلو اور فرائی پیاز ان سب کو گوشت گل جانے کے بعد اس میں ڈال دیں۔

اب چاولوں کی ایک تہہ لگا کر اس پر گوشت کا مصالہ ڈال دیں اور اوپر کیوڑہ، فوڈ کلر اور چینی ڈال کر دم دے دیں۔

پیش کرنے سے پہلے مکس کر کے رائتے کے ساتھ پیش کریں۔
Urdu Khabrain
Cooking Khabrain, Cooking News, Cooking Urdu News, Pakistan Cooking News, Pakistani News, Urdu Khabrain, Urdu News, Viral Cooking News, بنانے, ترکیب, جانیں, سندھی, فوڈ, لذیذ, کی