ایسا اسمارٹ فون آپ نے کبھی نہیں دیکھا ہوگا

https://goo.gl/qvu41o
اسمارٹ فونز تو آپ نے بہت دیکھیں ہوں گے مگر کوئی بھی چینی کمپنی ویوو کی نئی کانسیپٹ ڈیوائس کا مقابلہ نہیں کرسکتا جو اپنی مثال آپ ہے۔

جی ہاں واقعی ویوو کے نئے کانسیپٹ اسمارٹ فون اپیکس کی اسکرین، کیمرہ اور دیگر فیچرز ایسے ہیں جو اب تک کبھی دیکھنے میں نہیں آئے۔

یعنی ایسی اسکرین جس پر انگلی رکھ کر فون کو ان لاک کیا جاسکتا ہے جبکہ دو دیگر فیچرز بھی دنگ کردینے والے ہیں۔

سکس انچ اسکرین کے اس فون بیزل ناممکن حد تک کم کیے گئے ہیں یعنی تین سلائیڈز میں 1.8 ملی میٹر جبکہ نچلے حصے میں 4.3 ملی میٹر، اسی طرح فریم اتنا سلم ہے کہ فرنٹ کیمرے کے لیے جگہ ہی نہیں بچی۔

اور اس چیز کو دیکھتے ہوئے چینی کمپنی نے ایک انوکھا فرنٹ کیمرہ متعارف کرایا ہے جو کہ کسی ٹوسٹر کی طرح اوپری حصے پر باہر نکلتا ہے۔

8 میگا پکسل لینس فون کے اوپری ایج میں 0.8 سیکنڈ میں باہر نکلتا ہے جبکہ بیک پر معمول کا ڈوئل کیمرہ سیٹ اپ موجود ہے۔

اسی طرح دوسرا غیرمعمولی فیچر فون کی اسکرین ہے اور کمپنی نے اسکرین کے اندر فنگرپرنٹ ریڈر کو زیادہ بہتر کیا ہے۔

اب چھوٹے سے سرکل کی بجائے ہاف اسکرین پر فنگرپرنٹ اسکین کرنا ممکن کیا گیا ہے اور دو فنگرپرنٹ کو اسکین کرنے کا آپشن دے کر سیکیورٹی بڑھائی گئی ہے۔

تیسرا غیرمعمولی فیچرز آڈیو میں چھپا ہے۔

ویوو نے او ایل ای ڈی پینلز سے اس ڈیوائس کو لوڈ کیا ہے جو کہ وائبریٹ ہوکر ویڈیوز، کالز اور گیمنگ کو ساﺅنڈ دیتے ہیں۔

ویوو نے اسے ساﺅنڈ کاسٹنگ کا نام دیا ہے اور فون کی آواز حیران کن حد تک بلند ہوتی ہے۔

فی الحال یہ فون کانسیپٹ ہے تو اسے فروخت کے لیے کب تک پیش کیا جائے گا، اس بارے میں کچھ کہنا ابھی ممکن نہیں۔
Urdu Khabrain
Pakistan Sci-Tech News, Pakistani News, Sci-Tech Khabrain, Sci-Tech News, Sci-Tech Urdu News, Urdu Khabrain, Urdu News, Viral Sci-Tech News, سائنس و ٹیکنالوجی