پاکستان اور آئی ایم ایف کے درمیان مذاکرات رواں ماہ متوقع

https://is.gd/qUGnTk
واشنگٹن : پاکستان اور آئی ایم ایف کے درمیان مشاورتی مذاکرات رواں ماہ کے اختتام پر اسلام آباد میں ہوں گے، جس میں نگراں وزیر خزانہ شرکت کریں گے۔

تفصیلات کے مطابق نگراں وزیر خزانہ نے معاشی صورتحال کا جائزہ لیا، وزیر خزانہ ڈاکٹر شمشاد اختر رواں ماہ کے اختتام پر آئی ایم ایف سے ہونے والے جائزہ مذاکرات میں بھی شریک ہوں گی۔

آئی ایم ایف کا وفد رواں ماہ کے اختتام پر اسلام آباد کا دورہ کرے گا، یہ دورہ آئی ایم ایف پروگرام کے اختتام کے بعد جاری مشاورت کا حصہ ہے۔

وزارت خزانہ ذرائع کا کہنا ہے کہ ابھی تک آئی ایم ایف کے نئے پروگرام میں جانے کا کوئی ارادہ نہیں، رواں ماہ کے اختتام میں ہونے والے مذاکرات آرٹیکل فور کنسلٹیشن کا حصہ ہیں۔

ڈاکٹر شمشاد اختر نے ایسے وقت میں قلمدان سنبھالا ہے، جب پاکستانی معیشت کو اندرونی اور بیرونی خدشات کا سامنا ہے، رواں ماہ سے آئی ایم ایف کی قرض کی واپسی بھی شروع ہونی ہے، جون میں انیس کروڑ ڈالر کی ادائیگیاں کرنی ہے جبکہ آئندہ مالی سال میں انچاس کروڑ ڈالر کی ادائیگیاں کرنی ہیں ۔

یاد رہے کہ معاشی ماہرین کا کہنا ہے پاکستان ایک بار پھر آئی ایم ایف کا دروازہ کھٹکھٹائے گا، مسلم لیگ نون ملکی معیشت کوئی بہتر حال میں نہیں چھوڑ کر گئی ہے، معاشی فرنٹ پر پاکستان کو بڑے چیلنجز کا سامنا ہے۔
Urdu Khabrain
Business Khabrain, Business News, Business Urdu News, Pakistan Business News, Pakistani News, Top Business News, Urdu Khabrain, Urdu News, Viral Business News, ائی, اور, ایف, ایم, بزنس, درمیان, رواں, ماہ, متوقع, مذاکرات, پاکستان, کے