نئی آواز: اے ہوا اس پہ یوں اثر کرنا

https://is.gd/kuGWJz
جاوید صدیق بھٹی

اے ہوا اس پہ یوں اثر کرنا

سرد جذبات کو شرر کرنا

سنگ پگھلا تو یہ کُھلا مجھ پر

کتنا مشکل ہے دل میں گھر کرنا

اُس مسیحا کو بھی نہیں آیا

زخمِ دل پر مرے، نظر کرنا

یہ ہے توہین، آدمیت کی

کسی ظالم کو چارہ گر کرنا

رات کاٹو کسی تمنا میں

تم کو آ جائے گا سحر کرنا

کیسے جاوید ہم کریں منزل

اپنی قسمت میں ہے سفر کرنا
Urdu Khabrain
Magazine, آواز, اثر, ادب, اس, اے, قرطاس, نئی, پہ, کرنا, ہوا, یوں