پی ٹی آئی نے چوہدری سرور کو پنجاب سے سینیٹر بنانے کیلئے کیا حکمت عملی اختیار کی ؟ ایسا دعویٰ سامنے آ گیا کہ سن کر نوازشریف بھی کہنے پر مجبور ہو جائیں گے کہ ’کیا سیاست کھیل گئے ہیں ‘

https://goo.gl/eF2mT9
لاہو( ڈیلی پاکستان آن لائن ) پاکستان تحریک انصاف نے پنجاب سے سینیٹ کی ایک نشست حاصل کرکے عوام اور خصوصی طور پر پاکستان مسلم لیگ (ن) کے رہنماوں کو حیران کر دیا۔
نجی ٹی وی ڈان نیوز نے چوہدری سرور کی کامیابی کے پیچھے چھپے راز سے پردہ اٹھاتے ہوئے پی ٹی آئی کے ذرائع کے حوالے سے دعویٰ کیاہے کہ صوبے میں نئی حلقہ بندیوں کے نتیجے اسمبلی ٹکٹ سے محروم رہ جانے والے مسلم لیگ کے ارکان کو پی ٹی آئی نے اپنے پلٹ فارم سے قومی انتخابات میں ٹکٹ دینے کے وعدے پر حمایت حاصل کی۔پی ٹی آئی کے ورکز نے آزاد امیدواروں سمیت پاکستان پیپلز پارٹی، جماعت اسلامی سمیت پاکستان مسلم لیگ (ق) کے اراکین قومی اسمبلی سے غیراعلانیہ ملاقاتیں کیں۔
ڈان نیوز کے مطابق پی ٹی آئی کے سینئر رہنما نے بتایا کہ ان کی پارٹی نے اوکاڑہ، رحیم یار خان اور لیہ کے اضلاع میں مسلم لیگ (ن) کے اراکین قومی اسمبلی سے رابطے کیے تھے۔اس حوالے سے انہوں نے مزید بتایا کہ مسلم لیگ (ن) کے وہ ایم پی ایز جو نئی حلقہ بندیوں کی وجہ سے اپنی سیٹ کھو چکے تھے یا جنہیں خوف تھا کہ مسلم لیگ (ن) کی قیادت انتخابات میں انہیں ٹکٹ نہیں دے گی، پی ٹی آئی نے ان سے رابطہ کیا اور مسلم لیگ (ق) اور پی پی پی کے ایک ایک ایم پی اے نے سینیٹ انتخابات میں چوہدری محمد سرور کو ووٹ دیا۔
ذرائع نے بتایا کہ پی ٹی آئی کے رہنماوں نے تین مرتبہ منصورہ کا دورہ کرکے جماعت اسلامی کے ایم پی اے سے سابق گورنر چوہدری سرور کے لیے ووٹ مانگے اور اسی مقصد کے لیے پی ٹی آئی کے نائب چیئرمین شاہ محمود قریشی اور چوہدری سرور نے جماعت اسلامی کے امیر سراج الحق سے ملاقات کی تھی۔
Urdu Khabrain