پنجاب حکومت نے علی جہانگیر صدیقی کو قائد اعظم سولر پاور پلانٹ کمپنی بیچنے کا فیصلہ کر لیا،اے آر وائی نیوز کا دعویٰ

https://goo.gl/9wzt1D
لاہور (ڈیلی پاکستان آن لائن )حال ہی میں امریکہ میں تعینات ہونے والے پاکستانی سفیر علی جہانگیر صدیقی کو پنجاب حکومت نے قائد اعظم سولر پاور پلانٹ کمپنی بیچنے کا فیصلہ کر لیا ۔نجی نیوز چینل اے آر وائے نیوزنے دعویٰ کیا ہے کہ قائد اعظم سولر پاور پلانٹ کمپنی کے خلاف نیب کی تحقیقات جاری ہیں اور پنجاب حکومت فوری طور پر اس کمپنی سے جان چھڑانا چاہتی ہے اس لیے اسے علی جہانگیر صدیقی کو بیچنے کا فیصلہ کیا گیا ہے ۔واضح رہے کہ علی جہانگیر صدیقی پر کرپشن کے الزامات ہے اور ان کے خلاف بھی نیب کراچی میں انکوائریاں جاری ہیں ۔ علی جہانگیر صدیقی کو دو روز قبل واشنگٹن میں موجود پاکستان کے سفیر اعزاز چوہدری کی مدت ملازمت مکمل ہونے پر عہدہ خالی ہوا تو وفاقی حکومت کی جانب سے جہانگیر صدیقی کے بیٹے علی جہانگیر صدیقی کو امریکا میں پاکستان کا سفیر تعینات کرنے کا فیصلہ کیا گیا۔اس ضمن میںوزیراعظم شاہد خاقان عباسی نے منظوری بھی دے دی ہے تاہم باقاعدہ نوٹیفکیشن جلد جاری کر دیا جائے گا۔
Urdu Khabrain