براہ راست نشریات کے دوران رپورٹر کی جمائیاں

https://goo.gl/gvtyji

امریکی ریاست کنساس میں ایک مقامی ٹی وی چینل کی خاتون رپورٹر کی براہ راست نشریات کے دوران جمائیوں نے سب کو ہنسنے پر مجبور کردیا۔

یہ واقعہ اس وقت پیش آیا جب مذکورہ ٹی وی چینل موسم کی خبریں نشر کر رہا تھا اور اسٹوڈیو میں موجود اینکر موسم کا احوال سنا رہا تھا۔

لیکن اسی دوران خبروں کی نشریات کی ذمہ دار پروڈکشن ٹیم نے غلطی سے اس رپورٹر کو آن ایئر لے لیا جو باہر سے موسم کی صورتحال بتانے کے لیے منتظر کھڑی تھی۔

یہ کوئی بڑی غلطی نہیں تھی اور ایسی غلطیاں عموماً پیش آتی رہتی ہیں، لیکن صورتحال اس وقت نہایت دلچسپ ہوگئی جب عین اسی موقع پر خاتون رپورٹر نے جمائی لی جو ٹی وی پر براہ راست نشر ہوگئی۔



اسٹوڈیو میں موجود اینکر نے ہنستے ہوئے بات کو سنبھالنے کی کوشش کی کہ غالباً ہماری رپورٹر بہت تھکی ہوئی ہیں اسی لیے وہ جمائیاں لے رہی ہیں۔

بعد ازاں اس رپورٹر نے اپنے سماجی رابطوں کی ویب سائٹ پر اس ویڈیو کو خود ہی پوسٹ کیا جس سے ظاہر ہوتا ہے کہ اس غلطی نے انہیں بہت لطف اندوز کیا۔
Urdu Khabrain
Interesting Khabrain, Interesting News, Interesting Urdu News, Pakistan Interesting News, Pakistani News, Urdu Khabrain, Urdu News, Viral Interesting News, World Interesting News, براہ, جمائیاں, دوران, راست, رپورٹر, عجیب و غریب, نشریات, کی, کے