نگراں وزیر خزانہ کی اسٹاک ایکسچینج آمد، ایمنسٹی اسکیم پر مباحثہ

https://is.gd/vMrQxe
کراچی: نگراں وزیر خزانہ شمشاد اختر نے پاکستان اسٹاک ایکسجینج کا دورہ کیا اور  مسائل حل کرنے کی یقین دہانی کرائی جبکہ بورڈ آف ڈائریکٹرز کے اجلاس میں ایمنسٹی اسکیم پر مباحثہ ہوا۔

ذرائع اسٹاک ایکسچینج کے مطابق نگراں وزیر خزانہ کی زیر صدارت ڈائریکٹرز کا اجلاس ہوا جس میں ایمنسٹی اسکیم سے متعلق اور اس سے معیشت پر اثر انداز ہونے والے مختلف امور پر تفصیلی گفتگو کی گئی۔

نگراں وزیر خزانہ کو اسٹاک ایکسچینج کی کارکردگی پر تفصیلی بریفننگ دی گئی جبکہ اجلاس میں ایمنسٹی اسکیم کے بعد سرمایہ کاری کی صورتحال پر تفصیلی مباحثہ بھی ہوا۔

ذرائع کا کہنا ہے کہ شمشاد اختر کی گفتگو کا مرکز ایمنسٹی اسکیم اور اس سے متعلق معیشت پر پڑھنے والے اثرات تھے، نگراں وزیر خزانہ نے میڈیا سے بھی کوئی بات نہیں کی جبکہ بورڈ آف ڈائریکٹرز کو اسٹاک ایکسچینج کے تمام مسائل جلد از جلد حل کرنے کی یقین دہانی کروائی۔

دوسری جانب فیڈرل بورڈ آف ریوینو کے ذرائع کا کہنا ہے کہ نگراں حکومت نے اپنی تمام تر توجہ ایمنسٹی اسکیم پر مرکوز کرلی جس کے بعد امکان ظاہر کیا جارہا ہے کہ اسکیم میں پندرہ روز کی توسیع ہوسکتی ہے۔

ذرائع ایف بی آر کے مطابق ایمنسٹی اسکیم سے ابتدائی طور پر 35 ارب روپے ریوینوحاصل ہوگا، ستمبر 2018 تک تمام بینک غیر ملکیوں کے کھاتوں کی تفصیلات فیڈرل بورڈ آف ریوینیوکو فراہم کردیں گے۔

ایف بی آر نے ایمنسٹی اسکیم کے تحت 30 تک تک 66 ارب روپے حاصل کرنے کا ہدف مختص کیا ہے جبکہ رواں مالی سال فیڈرل بورڈ کو 3935 ارب روپے کے مجموعی اہداف حاصل ہوں گے۔
Urdu Khabrain
Business Khabrain, Business News, Business Urdu News, Pakistan Business News, Pakistani News, Top Business News, Urdu Khabrain, Urdu News, Viral Business News, اسٹاک, اسکیم, امد, ایمنسٹی, ایکسچینج, بزنس, خزانہ, مباحثہ, نگراں, وزیر, پر, کی