طالبان کی امریکا کو براہ راست مذاکرات کی پیش کش

https://is.gd/QltSe2
کابل : طالبان نے امریکا کوبراہ راست مذاکرات کی پیش کش کردی ، طالبان رہنما ملا ہیبت اللہ اخوندزادہ کا کہنا ہے کہ امریکی فوج افغانستان سے نکل جائے توامن قائم ہوسکتا ہے۔

تفصیلات کے مطابق افغان میڈیا پرجاری بیان میں طالبان رہنما ملا ہیبت اللہ اخوندزادہ نے کہا کہ افغانستان میں امن اوراسلامی حکومت کے قیام کے لئے مذاکرات کے لئے دروازے کھلے رکھے ہیں اور امریکا سے براہ راست مذاکرات کو تیار ہیں۔

ملا ہیبت اللہ کا کہنا تھا کہ امریکا اگر افغان تنازع کا خاتمہ چاہتا ہے تومذاکرات کی میز پر آئے، بات چیت کے ذریعے امریکی اورافغان شہریوں کونقصان پہنچانے والے تنازع کو ختم کیا جاسکتا ہے۔

انھوں نے مزید کہا کہ ہمارے دیرینہ مطالبے پر امریکا اور دیگر غیرملکی فورسز افغانستان سے چلی جائیں توملک میں امن بحال ہوجائے گا۔

یاد رہے کہ افغان حکومت نے عید الفطر کی آمد کے پیش نظر طالبان کے خلاف کارروائیاں روکنے کا اعلان کیا تاہم ساتھ میں یہ بھی واضح کیا کہ اگر کسی بھی مسلح گروہ کی جانب سے دہشت گردی کی گئی تو سیکیورٹی ادارے بھرپور جواب دیں گے۔

جس کے بعد طالبان کی جانب سے بھی عید الفطر کے موقع پر تین دن کے لیے جنگی بندی کا اعلان کرتے ہوئے کہا تھا کہ اس جنگ بندی کا اطلاق صرف مقامی فوجیوں کے لیے ہوگا جبکہ نیٹو اور امریکی فوج نے کوئی کارروائی کی تو طالبان اس کا جواب دیں گے۔

خیال رہے کہ افغانستان میں امریکی افواج کے داخل ہونے کے بعد یہ پہلا موقع ہے کہ طالبان کی جانب سے پہلی بار جنگ بندی کا اعلان کیا گیا جبکہ اقوامِ متحدہ، امریکا اور نیٹو کی جانب سے طالبان کے اعلان کا خیر مقدم کیا گیا ہے تاہم کچھ حلقے حکومت اور مسلح افراد کے اس اعلان کو خفیہ معاہدہ بھی قرار دے رہے ہیں۔
Urdu Khabrain
Pakistan World News, Pakistani News, Top World News, Urdu Khabrain, Urdu News, Viral World News, World Khabrain, World News, World Urdu News, امریکا, انٹرنیشنل, براہ, راست, طالبان, مذاکرات, پیش, کش, کو, کی