گزشتہ ماہ مہنگائی کی شرح میں اضافہ

https://is.gd/kO0c5I
اسلام آباد: ڈائریکٹر جنرل پرائس کنٹرول عتیق الرحمٰن کے مطابق گزشتہ ماہ (مئی) میں مہنگائی کی شرح میں اضافہ ہوا۔ یہ شرح گزشتہ سال کے مقابلے میں 4.19 ہے۔

تفصیلات کے مطابق ڈائریکٹر جنرل پرائس کنٹرول عتیق الرحمٰن نے مہنگائی کی صورتحال پر بریفنگ دیتے ہوئے بتایا کہ مئی 2018 میں مہنگائی کی شرح میں 0.51 فیصد اضافہ ہوا۔

بریفنگ کے مطابق مئی 2017 کے مقابلے میں مہنگائی کی شرح 4.19 فیصد ریکارڈ کی گئی۔ جولائی تا اپریل پان 103 فیصد، پیاز 72 فیصد اور چاول 14 فیصد مہنگا ہوا۔

عتیق الرحمٰن کے مطابق ڈیزل اور پیٹرول 10.6 فیصد، مٹی کا تیل 16 فیصد، کتابیں 12.26 فیصد جبکہ علاج 10 فیصد مہنگا ہوا۔

بریفنگ میں بتایا گیا کہ اس عرصے کے دوران چائے کی پتی 9 فیصد جبکہ بکرے اور مرغی کا گوشت 8 فیصد مہنگا ہوا۔
Urdu Khabrain
Business Khabrain, Business News, Business Urdu News, Pakistan Business News, Pakistani News, Top Business News, Urdu Khabrain, Urdu News, Viral Business News, اضافہ, بزنس, شرح, ماہ, مہنگائی, میں, کی, گزشتہ