بلیو وہیل ویڈیو گیم کا ماسٹر مائنڈ روس سے گرفتار

https://is.gd/MrP5P8
ماسکو: قاتل گیم بلیو وھیل کا ماسٹر مائنڈ قانون کے شکنجے میں آگیا، روس کی پولیس نے اس کی تصاویر اور شناخت جاری کردی، 22 سالہ شخص کا نام نکیتا نیارونوف ہے۔

تفصیلات کے مطابق قاتل گیم بلیو وھیل کے ماسٹر مائنڈ کو روس سے گرفتار کرلیا گیا ہے، روسی پولیس کا کہنا ہے کہ نکیتا کو ایک سال قبل گرفتار کیا گیا لیکن اسے اب ظاہر کیا گیا ہے۔

روسی پولیس کے مطابق 22 سالہ ملزم نے ابھی تک اقبال جرم نہیں کیا ہے، نکیتا اپنے دفاع میں دلیل پیش کرتا ہے کہ اس نے ان لڑکیوں کی مدد کی ہے جو اس دنیا سے ناامید ہوچکی تھیں۔



نکیتا نیارونوف ماسکو کے نواحی علاقے کا رہائشی ہے اور اپنے گھر سے ہی گیم کو آپریٹ کرتا تھا، وہ سماجی رابطے کی ویب سائٹس کے ذریعے نوجوان لڑکے لڑکیوں سے رابطے کرتا اور انہیں خودکشی پر اکساتا اور وہ آخرکار اپنی زندگی کا خاتمہ کرلیتے۔

نکیتا 40 کم عمر لڑکیوں کو ٹارگٹ کرچکا ہے، پولیس کے مطابق اگر ملزم نے اقبال جرم کرلیا تو اسے چھ سال قید کی سزا کا سامنا کرنا پڑسکتا ہے۔

واضح رہے بلیو وھیل گیم 50 دنوں پر مشتمل تھا، گیم کھیلنے والوں کو مختلف ٹاسک دئیے جاتے تھے، جن میں ہارر موویز دیکھنا، سنسان جگہ پر جانا اور آخری ٹاسک عمارت سے چھلانگ لگا کر اپنی زندگی کا خاتمہ کرنا ہوتا تھا۔

خیال رہے کہ چند ماہ قبل دبئی میں رہائش پذیر دو فلپائنی طلبا نے بھی قاتل گیم کا ٹاسک پورا کرنے کے لیے خودکشی کرلی تھی۔
Urdu Khabrain
Blue, game, Interesting Khabrain, Interesting News, Interesting Urdu News, Pakistan Interesting News, Pakistani News, suicide, Urdu Khabrain, Urdu News, Viral Interesting News, Whale, World Interesting News, بلیو, روس, سے, عجیب و غریب, مائنڈ, ماسٹر, وہیل, ویڈیو, کا, گرفتار, گیم