معروف اسٹیج کامیڈین جاوید کوڈو ٹریفک حادثے میں زخمی

https://is.gd/eYYag9
لاہور: معروف اسٹیج کامیڈین جاوید کوڈو ٹریفک حادثے میں شدید زخمی ہوگئے، طبی امداد کے لیے ہسپتال منتقل کردیا گیا۔

تفصیلات کے مطابق متعدد اسٹیج ڈراموں میں اداکاری کے جوہر دکھانے والے معروف کامیڈین جاوید کوڈو لاہور کے علاقے مسلم ٹاؤن میں ٹریفک حادثے کے نتیجے میں شدید زخمی ہوگئے۔

جاوید کوڈو کو زخمی حالت میں فوری طور پر گنگا رام ہسپتال منتقل کردیا گیا ہے، ڈاکٹرز کے مطابق ان کی کولہے کی ہڈی ٹوٹ گئی ہے جس کو جوڑنے کے لیے ان کا آپریشن کیا جائے گا۔

جاوید کوڈو نے اپنے کیریئر کا آغاز 1981 میں ڈرامہ سودے باز سے کیا، انہوں نے 150 پنجابی اور اردو فلم میں بھی اپنی اداکاری کے جوہر دکھائے، ان کا ڈرامہ ’آشیانہ‘ آج بھی لوگوں کو یاد ہے۔

یاد رہے کہ 2016 میں معروف کامیڈین جاوید کوڈو کی طبعیت اچانک خراب ہونے پر انہیں فوری طور پر گنگا رام اسپتال لاہور منتقل کیا گیا جہاں سے ڈاکٹروں نے اہلخانہ سے انہیں جنرل اسپتال منتقل کرنے کی ہدایت کی

ڈاکٹرز کا کہنا تھا کہ جاوید کوڈو کے دماغ کی شریان کو معمولی نقصان پہنچا ہے تاہم اگلے بہتر گھنٹے انتہائی اہم ہیں، شہباز شریف نے کامیڈین جاوید کوڈو کی بیماری کا نوٹس لیتے ہوئے علاج کے لیے میڈیکل بورڈ تشکیل دینے کا حکم دیا ہے۔
Urdu Khabrain
Pakistan Showbiz News, Pakistani News, Showbiz Khabrain, Showbiz News, Showbiz Urdu News, Top Showbiz News, Urdu Khabrain, Urdu News, Viral Showbiz News, جاوید, حادثے, زخمی, شوبز, معروف, میں, ٹریفک