نادیہ حسین کی پاکستان کی خاطر ووٹ دینے کی اپیل

https://is.gd/H64S9C
الیکشن 2018ء میں ذمہ داری کا مظاہرہ کرنے کےلئے ہر شعبہ ہائے زندگی کے لوگوں نے اپنا حصہ ڈالنا شروع کردیا ہے ،ماڈل و اداکارہ نادیہ حسین نے عوام سے پاکستان کی خاطر ووٹ دینے کی اپیل کردی ۔

جیو نیوز کے پروگرام جیو پاکستان میں اظہار خیال کرتے ہوئے نادیہ حسین نے کہا کہ کسی خاص پارٹی کی حمایت سے زیادہ ایشوز پر بات کرنا ضروری ہے۔

انہوں نے مزید کہا کہ انتخابات میں خواتین کے ووٹنگ رجحان سے بہت امید ہے۔

ماڈل و اداکارہ نے یہ بھی کہا کہ اس بار جب خواتین سے ووٹ دینے سے متعلق پوچھا تو بہت مثبت جواب ملا۔

پروگرام میں نادیہ حسین نے پی پی چیئرمین بلاول بھٹو کی سادگی کی تعریف کی اور کہا کہ پاکستان کی تقدیر ووٹرز کے ہاتھ میں ہے ،اس لئے ووٹ ضرور دیں۔
Urdu Khabrain