بالی ووڈ اداکار رنبیر کپور فٹبال کھیلتے ہوئے زخمی ہوگئے

https://is.gd/HtqfjB

ممبئی: بالی ووڈ اداکار رنبیر کپور فٹبال کھیلتے ہوئے زخمی ہوگئے، انہیں فوری طبی امداد دے کر اسپتال منتقل کردیا گیا۔

بھارتی میڈیا کے مطابق رنبیر کپور کے مداحوں کے لیے بری خبر ہے، بالی ووڈ اداکار پونے میں کھیلے جانے والے سیلبیرٹی میچ کے دوران فٹبال کھیلتے ہوئے زخمی ہوگئے، فائنل میچ رنبیر کپور کی ٹیم اے ایس ایف سی نے جیت لیا۔

میچ دیکھنے کے لیے بالی ووڈ کے متعدد اداکار موجود تھے جن میں ابھیشک بچن، شبیر آہلووالیا، ایشان کھتر، ارمان جین، شبیر جین، ڈینو موریا، جم سوربھ، کرن واہی ودیگر شامل ہیں۔

Good luck ASFC ⚽ pic.twitter.com/M52ldgRwYb

— RanbirKapoor.Net (@RanbirKapoorFC) June 2, 2018

رنبیر کپور کو میدان میں ہی طبی امداد دی گئی تاہم تکلیف کی شدت زیادہ ہونے کی سبب انہیں فوری طور پر قریبی ہسپتال منتقل کردیا گیا، ڈاکٹرز کے مطابق رنبیر کپور کے پیر کے انگوٹھے میں چوٹیں آئی ہیں۔

رنبیر کپور زخمی ہونے کے باوجود گووا میں جاری اپنی فلم کی شوٹنگ کے سیٹ پر پہنچے، رنبیر کپور فین کلب کے ٹویٹر پیج پر مداحوں کی جانب سے تصاویر شیئر کی گئیں جن میں رنبیر خوش نظر آرہے ہیں۔

Ranbir Kapoor and Mansi Singh shooting for Hero in Goa yesterday pic.twitter.com/MKaXiPbuxE

— RanbirKapoor.Net (@RanbirKapoorFC) June 4, 2018

واضح رہے کہ اداکار رنبیر کپور سنجے دت کی زندگی پر بننے والی فلم ’سنجو‘ میں مرکزی کردار ادا کررہے ہیں، فلم سنجو رواں ماہ 29 جون کو ریلیز کی جائے گی۔

خیال رہے کہ رنبیر کپور کی پاکستانی اداکارہ ماہرہ خان کے ساتھ تصاویر وائرل ہوئی تھیں جس میں ماہرہ خان سگریٹ نوشی میں مصروف تھیں، مداحوں کی جانب سے ماہرہ خان پر سخت تنقید کی گئی تھی۔

Urdu Khabrain
Pakistan Showbiz News, Pakistani News, Showbiz Khabrain, Showbiz News, Showbiz Urdu News, Top Showbiz News, Urdu Khabrain, Urdu News, Viral Showbiz News, اداکار, بالی, رنبیر, زخمی, شوبز, فٹبال, ووڈ, کپور, ہوئے, ہوگئے