بی جے پی کے انتہا پسندوں نے دہلی کی جامع مسجد میں زبردستی بھارتی جھنڈا لہرادیا

https://urdukhabrain.com.pk/2018/08/17/urdu-news-39235
 

نئی دہلی : بھارت کی حکمران جماعت بی جے پی کی مسلمان مخالف غنڈہ گردی بڑھتی جارہی ہے، انتہا پسند کارکنوں نے دہلی کی جامع مسجد میں زبردستی بھارتی جھنڈا لہرادیا اور مسلمان مخالف نعرے بھی لگائے۔

تفصیلات کے مطابق مودی سرکار میں بی جے پی کے مسلمان دشمن غنڈے بے قابو ہوگئے، بھارت کے یوم آزادی کے دن دہلی کی تاریخی جامع مسجد میں بی جے پی کے غنڈوں نے زبردستی بھارتی جھنڈا لہرا دیا۔

بی جے پی کے کارکنوں نے مسجد میں جھنڈا لہرانے سے روکنے والوں کو تشدد کا نشانہ بھی بنایا اور اشتعال انگیز نعرے بھی لگائے۔

टोका टोकी के बावजूद जामा मस्जिद प्रांगण पर तिरंगा लहरा दिया गया है..शाही इमाम अचानक कहाँ गायब हो गए ये प्रश्न है..फ़िलहाल हमें देश में तिरंगा लहराने के लिए किसी की अनुमति की ज़रूरत नहीं..आज मैंने जामा मस्जिद पर ध्वजारोहण किया, रोके जाने के बावजूद। #MyFlagMyFaith pic.twitter.com/S1p4cLJGBk

— IP Singh (@ipsinghbjp) August 15, 2018

بی جے پی کے مقامی لیڈرکا کہنا تھا کہ ہمیں کہیں بھی جھنڈا لہرانے سے کوئی نہیں روک سکتا۔ انتہا پسند ہندو سوشل میڈیا پرجھنڈا لہرانے کی ویڈیوز شئیر کرکے مسلمانوں کے خلاف اشتعال پھیلاتے رہے۔

ایک جانب ایسی زبردستی ہے تو دوسری جانب یہ حال ہے کہ بھارت کے یوم آزادی کی مناسبت سے پرچم کشائی کی تقریب میں حکمراں جماعت بھارتیہ جنتا پارٹی اپنا قومی جھنڈا ہی نہیں سنبھال سکی۔ بی جے پی کے صدر امیت شاہ نے جھنڈا لہرانے کی کوشش کی تو ترنگا فضاء میں جانے کے بجائے زمین پر آگرا تھا۔

Urdu Khabrain
انتہا, بھارتی, بی, جامع, جھنڈا, جے, دہلی, زبردستی, لہرادیا, مسجد, میں, نے, پسندوں, پی, کی, کے