مارشل آرٹ چیمپیئن اب افریقی غلاموں کی آزادی کے علمبردار ہوگئے

https://is.gd/cJfW9C

جسٹن رین نے مارش آرٹ کیریئر میں منشیات اور ڈپریشن کے بعد غلام قبائلیوں کی فلاح میں اپنا سکون تلاش کیا۔ فوٹو: بورڈ پانڈا

نیویارک: امریکہ میں ’’الٹی میٹ فائٹنگ چیمپئن شپ‘‘ (یو ایف سی) کے کئی مقابلے جیتنے والے مکس مارشل آرٹ کے چیئرمین نے منشیات اور ڈپریشن کا علاج افریقی عوام کی خدمت میں تلاش کیا ہے اور اب وہ کانگو میں غلامی کے چنگل میں پھنسے افراد کی گردنیں چھڑانے کی دن رات کوشش کررہے ہیں۔



جسٹن رین 18 سال کی عمر میں پروفائٹر بن گئے تھے اور اب تک 13 بڑے اعزازات اپنے نام کرچکے ہیں۔ لیکن انہیں 23 برس کی عمر نشے کی لت پڑگئی اور وہ شدید ڈپریشن اور مایوسی میں گھرگئے یہاں تک کہ انہوں نے خودکشی کی کوشش بھی کی۔ اس کے بعد انہیں خیال آیا کہ زندگی کا کوئی مقصد ہونا ضروری ہے۔



جسٹن نے سب سے پہلے کانگو میں پگمی افراد کو آزاد کرایا جو ایک بااثر موکپالا قبیلے کی قید میں تھے۔ نسل در نسل غلام پگمی افراد کو روزانہ دو کیلے کھانے کو ملتے ہیں اور کسی شے پر ان کا اختیار نہیں ہوتا۔ جسٹن نے ان دونوں قبائل کو ایک دوسرے کے قریب لانے کے اقدامات کیے۔ اس نے دونوں قبائل میں پانی کے کنویں کھدوائے اور بیروزگاروں کو ملازمتیں دیں۔ اس کے بعد برسوں سے جاری غلام اور آقا کے چکر کو بھی ختم کرنے کی بھرپور کوشش کی۔



لیکن اس کام میں انہیں بہت مشکلات پیش آئیں اور ایک موقع پر پگمی غلاموں کا مالک غصے میں ان کے پاس آیا اور پوچھا کہ تم میرے جانوروں کے ساتھ کیا کررہے ہو۔ جسٹن کے مطابق ان غلاموں کو زمین رکھنے کا کوئی حق نہیں اور بعض اوقات پورے خاندان کو کھانے کےلیے صرف دو کیلے دیئے جاتے ہیں۔



جسٹن رین نے مسلسل پانچ برس تک اس قبیلے کی بہتری کےلیے کام کیا اور اب بھی وہ اس کی فلاح و بہبود کے لیے سرگرم ہیں۔ اب تک وہ سیکڑوں افراد کو غلامی سے نکال چکے ہیں۔

Urdu Khabrain
Interesting Khabrain, Interesting News, Interesting Urdu News, Pakistan Interesting News, Pakistani News, Urdu Khabrain, Urdu News, Viral Interesting News, World Interesting News, اب, ارٹ, ازادی, افریقی, عجیب و غریب, علمبردار, غلاموں, مارشل, چیمپیئن, کی, کے, ہوگئے

فیس بک نے ٹرینڈنگ فیچر ختم کرنے کا اعلان کردیا

https://is.gd/5UzWtO
سانس فرانسسکو: سماجی رابطے کی سب سے بڑی ویب سائٹ فیس بک نے اپنی ایپ سے ٹرینڈنگ فیچر کرنے کا اعلان کردیا۔

ٹیکنالوجی کی ویب سائٹس پر نظر رکھنے والی ویب سائٹ کے مطابق فیس بک نے ایپ اور آئی ڈیز پر آنے والے ٹرینڈنگ فیچرز کو تبدیل کرتے ہوئے اسے بریکنگ نیوز کا نام دے دیا  یعنی اب صارفین آئی ڈی پر اہم خبریں دیکھ سکیں گے۔

کمپنی ترجمان کے مطابق فیس بک کی جانب سے 2014 میں مختلف موضوعات کو اجاگر کرنے کے حوالے سے ٹرینڈنگ فیچر متعارف کرایا گیا تھا جس کے فی الوقت فوائد سامنے ضرور آئے مگر پھر صارفین اس کی وجہ سے عاجز آگئے۔

فیس بک کے مطابق کمپنی نے ایپ میں تبدیلی کا فیصلہ صارفین کی شکایت کو مدنظر رکھتے ہوئے کیا جس پر عملدرآمد آئندہ ہفتے سے شروع ہوجائے گا۔ اُن کا مزید کہنا تھا کہ فیس بک کے حصص میں ایک بار پھر اضافہ شروع ہوگیا جو ایک بار پھر لوگوں کی توجہ کا منہ بولتا ثبوت ہے۔

واضح رہے کہ امریکی صدارتی انتخابات کے بعد فیس بک کا ڈیٹا لیکس اسکینڈل سامنے آیا تھا جس کے بعد ہزاروں صارفین نے اس پلیٹ فارم سے اپنے آئی ڈیز بند کردیے تھے کیونکہ اُن کا ماننا تھا کہ جہاں ڈیٹا محفوظ نہ ہو اُس پر بھروسہ نہیں کیا جاسکتا۔

فیس بک نے اپنی گرتی ہوئی ساکھ کو بچانے کے لیے مختلف تجربات کررہی ہے،  فیس بک نے گزشتہ دنوں ایک فیچر متعارف کرایا جس کے تحت آئی او ایس فارمیٹ استعمال کرنے والے صارفین انسٹاگرام پر جانے کے بجائے ویڈیوز کو ایک ہی پلیٹ فارم پر دیکھ سکیں گے۔

علاوہ ازیں سماجی رابطے کی ویب سائٹ کے سوشل میڈیا کنسلٹنٹ نے ٹویٹر پر ایک پوسٹ شیئر کی تھی جس میں انہوں نے لکھا تھا کہ اب فیس بک صارفین اپنی پسندیدہ پوسٹ کسی بھی واٹس ایپ کے نمبر پر براہ راست بھیج سکیں گے، اس حوالے سے کمپنی تجربات کررہی ہے۔
Urdu Khabrain
Pakistan Sci-Tech News, Pakistani News, Sci-Tech Khabrain, Sci-Tech News, Sci-Tech Urdu News, Urdu Khabrain, Urdu News, Viral Sci-Tech News, اعلان, بک, ختم, سائنس و ٹیکنالوجی, فیس, فیچر, نے, ٹرینڈنگ, کا, کردیا, کرنے

سجاد علی کی سادہ افطاری، تصویر سوشل میڈیا پر وائرل

https://is.gd/OnZHDB
کراچی: ماہِ رمضان میں تقریباً ہر شخص کی خواہش ہوتی ہے کہ وہ شرعی احکامات کے عین مطابق روزہ رکھے اور پھر افطار بھی کرے۔

عام طور پرمسلسل سفر میں رہنے کی وجہ سے شوبز انڈسٹری کے معروف ستارے، کھلاڑی اور تاجر شرعی احکامات کی روشنی میں روزے قضا بھی کردیتے ہیں۔

اسی طرح معروف پاکستانی گلوکار سجاد علی نے سماجی رابطے کی ویب سائٹ پر روزہ کھلنے سے قبل ایک تصویر شیئر کی جس کے ساتھ انہوں نے لکھا کہ ’سادہ افطاری‘۔

Simple iftari. pic.twitter.com/quyhCdAM9g

— Sajjad Ali (@sajjad_official) June 1, 2018

سماجی رابطے کی ویب سائٹ ٹویٹر پر متحرک صارفین نے سجاد علی کے اس اقدام کو سراہا اور ان کے لیے اپنی نیک خواہشات کا بھی اظہار کیا جبکہ کچھ نے دلچسپ اور طنزیہ تبصرے بھی کیے۔

واضح رہے کہ سجاد علی معروف اداکار اور کرکٹر شفقت حسین ساجن کے بیٹے ہیں، آپ پاکستانی موسیقی کے افق پر 80 کی دہائی میں ابھر کر سامنے آئے اور 90 کی دہائی میں دنیا ان کے مشہور گانوں ’بے بی آ‘ اور ’چیف صاحب‘ پر جھومتی رہی۔

سجاد علی خود بھی شاعر، اداکار اور ہدایتکار ہیں اور وہ اپنے گانوں کی شاعری عموماً خود ہی لکھتے ہیں، ایک سال قبل پاکستانی گلوکار کی صاحبزادی زو علی نے کوک اسٹوڈیو میں والد کے ہمراہ گانا گا کر سب کو حیران کردیا تھا۔
Urdu Khabrain
Pakistan Showbiz News, Pakistani News, Showbiz Khabrain, Showbiz News, Showbiz Urdu News, Top Showbiz News, Urdu Khabrain, Urdu News, Viral Showbiz News, افطاری, تصویر, سادہ, سجاد, سوشل, شوبز, علی, میڈیا, وائرل, پر, کی

فٹبال کا جنون، سپرمارکیٹ میں بھی نظر آنے لگا، ویڈیو دیکھیں

https://is.gd/d2e4bI
برازیلیا: برازیل میں فٹبال کا جنون لوگوں میں کس حد تک موجود ہے اس بات کا اندازہ سوشل میڈیا پر وائرل ہونے والی ویڈیو  سے لگایا جاسکتا ہے۔

تفصیلات کے مطابق برازیل وہ ملک ہے جہاں فٹبال کو قومی کھیل کا درجہ حاصل ہے یہی وجہ ہے کہ برازیل کی ٹیم اب تک 5 بار فیفا چیمپئن بن کر ابھری ہے۔

برازیل نے دنیائے فٹبال کے نامور کھلاڑی پیدا کیے جن میں ورنالڈو، رونالڈینیو اور روبٹا کارلوس ودیگر قابل ذکر ہیں علاوہ ازیں ایسے بھی نوجوان پلیئرز سامنے آئے جن کی مہارت کو دیکھ کر دنیا دنگ رہ جاتی ہے۔

سوشل میڈیا پر وائرل ہونے والی ویڈیو میں دیکھاجاسکتا ہے کہ ایک نوجوان سپرمارکیٹ میں موجود ہے اور اُس نے ہاتھوں میں بہت سارا سامان تھاما ہوا ہے کہ اچانک ڈبا اُس کی گود سے نیچے گرنے لگا۔ ویڈیو میں دیکھا جاسکتا ہے کہ نوجوان نے فٹبال کی طرح ڈبے کو  نہ صرف گرنے سے بچایا بلکہ اُسے دوبارہ اپنی گود میں کامیابی سے رکھ لیا۔

MEDIA: Brazilian man in supermarket pic.twitter.com/QqAbYkWHSj

— The Spectator Index (@spectatorindex) June 1, 2018

انٹرنیٹ پر وائرل ہونے والی ویڈیو کو اب تک لاکھوں صارفین دیکھ چکے ہیں جنہوں نے مذکورہ شخص کی مہارت کو خوب سراہا اور اُسے اپنی داد سے بھی نوازا، کچھ صارفین نے تو مشورہ دیا کہ اسے قومی فٹبال ٹیم میں جگہ دی جائے۔
Urdu Khabrain
Interesting Khabrain, Interesting News, Interesting Urdu News, Pakistan Interesting News, Pakistani News, Urdu Khabrain, Urdu News, Viral Interesting News, World Interesting News, انے, بھی, جنون, دیکھیں, سپرمارکیٹ, عجیب و غریب, فٹبال, لگا, میں, نظر, ویڈیو, کا

معروف پاکستانی اداکارہ کی تصویر وائرل، مداح حیران رہ گئے

https://is.gd/VRNiqn
کراچی: شوبز انڈسٹری یا دیگر شعبہ ہائے زندگی سے تعلق رکھنے والی  معروف شخصیات مداحوں کے ساتھ رابطہ رکھنے کے لیے سماجی رابطے کی ویب سائٹس کافی متحرک نظر آتی ہیں تاکہ وہ اپنی حالیہ، مستقبل اور ماضی کو شیئر کرسکیں۔

سوشل میڈیا پر موجود شوبز شخصیات کی جانب سے تصاویر شیئر کی جاتی ہیں جن کا مقصد مداحوں کے ساتھ وقتاً فوقتاً رابطہ رکھنا اور انہیں اپنے کام یا زندگی سے متعلق آگاہی دینا ہوتا ہے، جنہیں نہ صرف مداح پسند کرتے ہیں بلکہ اپنی ہردل عزیز شخصیت کو نئے روپ میں دیکھ کر خوش بھی ہوتے ہیں۔

کسی بھی اداکار یا معروف شخصیت کی سوشل میڈیا پوسٹ کو مداح اس انداز سے سرہاتے ہیں کہ بعض اوقات وہ چیز یا تصویر  وائرل ہوجاتی ہے کہ اور دیکھتے ہی دیکھتے کروڑوں لوگ اس تک رسائی حاصل کرلیتے ہیں۔

آج ہم بات کررہے ہیں پاکستانی ڈرامہ اور فلم انڈسٹری میں اپنی صلاحیتوں کا لوہا منوانے والی اداکارہ مہوش حیات نے سماجی رابطے کی ویب سائٹ انسٹاگرام پر ایک چھوٹی بچی کی تصویر شیئر کی۔

https://www.instagram.com/p/BjU9ZqmDADG/?utm_source=ig_embed

تصویر کے ساتھ اداکارہ نے تحریر کیا کہ یہ میرا پہلا ٹی وی کمرشل تھا اور اُس وقت میں صرف 6 برس کی تھی، راجھستانی بچی ساحل پر موجود ہے مجھے یہ تصویر اپنی پرانی تصاویر میں سے ملی۔ مہوش حیات اگر مداحوں کو اشارہ نہیں دیتی تو کوئی بھی نہیں پہچان سکتا تھا کہ یہ اُن کی ہی تصویر ہے۔

یاد رہے کہ عالمی تنظیم نے حال ہی میں اداکارہ مہوش حیات کی شوبز خدمات کو سراہاتے ہوئے ایوارڈ سے نوازا تھا، وہ پاکستان کی واحد اداکارہ ہیں جنہیں یہ اعزاز دیا گیا۔

خیال رہے کہ گزشتہ برس ریلیز ہونے والی فلم پنجاب نہیں جاؤں گی میں مہوش حیات نے اہم کردار ادا کیا اس سے قبل بھی وہ پاکستانی فلموں اور ڈراموں میں اداکاری کرچکی ہیں۔
Urdu Khabrain
Pakistan Showbiz News, Pakistani News, Showbiz Khabrain, Showbiz News, Showbiz Urdu News, Top Showbiz News, Urdu Khabrain, Urdu News, Viral Showbiz News, اداکارہ, تصویر, حیران, رہ, شوبز, مداح, معروف, وائرل, پاکستانی, کی, گئے

بلوچستان لبریشن فرنٹ کا انتخابات 2018 کے بائیکاٹ کا اعلان

https://is.gd/oFtDTP
 

اللہ نذر بلوچ بلوچستان میں علیحدگی پسند تحریک کے سب سے متحرک دھڑے بلوچستان لبریشن فرنٹ کے سربراہ ہیں

پاکستان کے شورش زدہ صوبے بلوچستان میں سب سے متحرک عسکریت پسند گروپ بلوچستان لبریشن فرنٹ نے 2018 کے انتخابات کا بائیکاٹ کرنے کا اعلان کیا ہے۔

تنظیم کے سربراہ ڈاکٹر اللہ نذر نے ایک ویڈیو پیغام میں لوگوں سے اپیل کی ہے کہ وہ انتخابات کا حصہ نہ بنیں تاکہ ٹرن آؤٹ کم سے کم رہے۔

یاد رہے کہ بلوچستان لبریشن فرنٹ سمیت تمام ہی علیحدگی پسند تنظیموں نے 2013 کے انتخابات کا بھی بائیکاٹ کیا تھا، جس کی وجہ سے بلوچ علاقوں میں ووٹ ڈالنے کی شرح انتہائی کم رہی تھی۔

اس کے نتیجے میں حال میں اپنی مدت پوری کرنے والے وزیر اعلیٰ بلوچستان میر عبدالقدوس بزنجو سمیت کئی امیدوار چند سو ووٹ لے کر ہی کامیاب ہوئے تھے۔

نامہ نگار ریاض سہیل کے مطابق ڈاکٹر اللہ نذر بلوچ نے اپنے ویڈیو پیغام میں کہا ہے کہ 2013 میں بلوچ قوم نے ایک ریفرنڈم کیا اور جس کے بعد ٹھپے لگائے گئے اور وزیراعلیٰ بنایا گیا۔ آئندہ بھی اسی طرح کسی کو منتخب کیا جائے گا۔

اپنے پیغام میں انھوں نے کہا کہ ’کچھ لوگ یہ تاثر دینے کی کوشش کر رہے ہیں کہ بلوچ قومی تحریک کمزور ہو کر پسپائی کی جانب بڑھ رہی ہے جبکہ درحقیقت بلوچ تاریخ میں یہ دو دہائی یعنی بیس سالوں پر مشتمل بلوچ آزادی کی تحریک آگے جا رہی ہے اور دن بدن بلوچ قوم اس میں شامل ہو رہی ہے۔ بلوچ نسل کشی ہو رہی ہے، لیکن بلوچ قوم پیچھے نہیں ہٹ رہی ہے، سوائے سرداروں کے۔ وہ سودے بازی کے لیے کبھی آگے تو کبھی پیچھے مڑتے ہیں تاہم عام بلوچ قومی جدو جہد کے لیے کمر بستہ ہے اور ایک قدم بھی پیچھے نہیں ہٹا۔‘

میر عبدالقدوس بزنجو کو گذشتہ عام انتخابات میں صرف پانچ سو ووٹ ملے تھے

ڈاکٹر اللہ نذر نے بلوچستان کے سابق وزیرِداخلہ سرفراز بگٹی اور نیشنل پارٹی کے سربراہ حاصل بزنجو پر بھی سخت تنقید کی ہے اور کہا ہے کہ وہ بلوچ قوم کو یہ ہی کہہ رہے ہیں کہ ہمیں بیرونی ممالک سپورٹ کر رہے ہیں، لیکن اگر بیرونی ممالک ہماری فنڈنگ کرتے، ساز و سامان دیتے تو آج جنگ کی شکل یہ نہیں ہوتی، یہ بلوچوں کی اپنی ذاتی جنگ ہے۔

ڈاکٹر اللہ نذر حکومت چین سے کہا ہے کہ وہ بلوچستان میں سرمایہ کاری نہ کرے وہ خود ایک انقلابی عہد سے گزر چکے ہیں۔" بلوچ ایک زندہ قوم ہے، اس کی اپنی زبان اور زمین ہے۔ بلوچ قوم میں قومی وجود کی تمام روایات اور قانون موجود ہیں،ایسی قوم کو کوئی شکست نہیں دے سکتا۔ آپ (چین) ایک غلط راستے کا انتخاب کر چکے ہیں۔

قالب وردپرس
Urdu Khabrain
Breaking Indian News, Hot India News, India Pakistan News, India Urdu News, Online India News

جرمنی میں 3 ننھے منے شیر عوام کے سامنے پیش

https://is.gd/Nriene
جرمنی کے شہر فرینکفرٹ کے ایک چڑیا گھر میں ایک ماہ قبل پیدا ہونے والے شیر کے 3 ننھے بچوں کو عوام کے سامنے پیش کردیا گیا۔

فرینکفرٹ کے چڑیا گھر میں 15 سال بعد کسی شیرنی کے ہاں بچوں کی پیدائش ہوئی ہے۔ انتظامیہ کا کہنا ہے کہ پیدائش کے ایک ماہ تک یہ بچے اپنی ماں کے قریب رہے۔



بچوں کی ماں جس کا نام زارینہ ہے کی عمر 6 برس ہے۔

ان بچوں کا ابھی تک کوئی نام نہیں رکھا جاسکا اور نہ ہی یہ تعین کیا جاسکا کہ ان کی جنس کیا ہے تاہم انتظامیہ کا خیال ہے کہ ان میں سے 2 بچے نر ہیں۔



شیر کے ان معصوم بچوں کو دیکھنے کے لیے لوگوں کی بڑی تعداد چڑیا گھر کا رخ کر رہی ہے۔
Urdu Khabrain
3, Interesting Khabrain, Interesting News, Interesting Urdu News, Pakistan Interesting News, Pakistani News, Urdu Khabrain, Urdu News, Viral Interesting News, World Interesting News, جرمنی, سامنے, شیر, عجیب و غریب, عوام, منے, میں, ننھے, پیش, کے