انڈر 19 ورلڈ کپ سیمی فائنل: پاکستان کو ہرا کر بھارت فائنل میں پہنچ گیا

https://goo.gl/mQmuWx
آئی سی سی انڈر 19 کرکٹ ورلڈ کپ کے دوسرے سیمی فائنل میں بھارت نے پاکستان کو 203 رنز سے شکست دے کر فائنل تک رسائی حاصل کرلی۔

نیوزی لینڈ کے شہر کرائسٹ چرچ میں کھیلے گئے ایونٹ کے دوسرے سیمی فائنل میں بھارت نے ٹاس جیت کر پہلے بیٹنگ کا فیصلہ کیا اور پاکستان کو 273 رنز کا ہدف دیا۔

بھارت کے شبمن گل نے ناقابل شکست 102 رنز بنائے۔

پاکستان کے محمد موسیٰ نے 67 رنز کے عوض 4 وکٹیں حاصل کیں، ارشد اقبال نے 3 کھلاڑیوں کو آؤٹ کیا جبکہ شاہین آفریدی نے ایک وکٹ لی۔

جوابی اننگز میں پاکستان نے بیٹنگ کا آغاز کیا، لیکن بلے باز کریز پر جم نہ سکے اور ایک کے بعد آؤٹ ہوکر پویلین کو سدھارتے رہے اور 273 رنز کے تعاقب میں پاکستان کی پوری ٹیم 21ویں اوور میں ہی 69 رنز پر ڈھیر ہوگئی۔

پاکستان کے عمران شاہ نے 2، زید عالم نے 7، روحیل نذیر نے 18، علی زریاب نے 1، عماد عالم نے 4، محمد طحہٰ نے 4، حسان خان نے 1، سعد خان نے 15، شاہین آفریدی نے صفر اور ارشد اقبال نے 1 رن بنایا اور پویلن لوٹ گئے۔

جبکہ محمد موسیٰ 11 رنز بناکر ناٹ آؤٹ رہے۔

پاکستان کو 203 رنز سے ہرا کر بھارت نے فائنل تک رسائی حاصل کرلی ہے، جہاں اس کا مقابلہ آسٹریلیا سے ہوگا۔

یاد رہے کہ گذشتہ روز ایونٹ کے پہلے سیمی فائنل میں آسٹریلیا نے افغانستان کو 6 وکٹوں سے شکست دے کر پہلے ہی فائنل کے لیے کوالیفائی کرلیا تھا۔

13 جنوری سے نیوزی لینڈ میں شروع ہونے والا 16 ٹیموں کا یہ ٹورنامنٹ 3 فروری تک جاری رہے گا، جس میں شریک ٹیموں کو چار چار کے گروپس میں تقسیم کیا گیا ہے۔
Urdu Khabrain

کمپیوٹر کے ناکارہ پرزے رنگین تتلیاں بن گئیں

https://goo.gl/PmR8co
آج کل کے دور میں مختلف اشیا کو پھینکنے کے بجائے اسے دوبارہ قابل استعمال بنانے یعنی ری سائیکلنگ کا رجحان بڑھ رہا ہے تاکہ پھینکے جانے والے کچرے میں کمی کی جاسکے۔

تاہم ایک فنکار نے ری سائیکلنگ کی نئی مثال قائم کرتے ہوئے نہایت خوبصورت فن پارے تخلیق کر ڈالے۔



برطانیہ سے تعلق رکھنے والی آرٹسٹ جولی ایلس نے کمپیوٹر، سرکٹ بورڈز اور بجلی کے مختلف ناکارہ پرزوں کو خوبصورت رنگین تتلیوں میں تبدیل کردیا۔



وہ بتاتی ہیں کہ جب پہلی بار انہیں اس قسم کے پرزے نظر آئے تو ان کے ذہن میں خودبخود یہ پرزے ٹانگوں اور پروں کے ساتھ مختلف کیڑوں میں تبدیل ہوگئے۔ انہوں نے سب سے پہلے ان پرزوں سے چیونٹیاں بنائیں۔



بعد ازاں ایلس نے فائن آرٹس ڈگری پروگرام میں داخلہ لیا۔ اسی دوران ان کی ملاقات کچھ تخلیق کاروں سے ہوئی جو پرانے کمپیوٹرز کو روبوٹ کی شکل میں ڈھالنے پر کام کر رہے تھے۔

وہاں ایلس کا بنایا ہوا ایک پروجیکٹ مسترد کردیا گیا جس کے بعد وہ اپنا سامان اٹھا کر گھر لے آئی اور خود ہی اپنی تخلیقات بنانی شروع کردیں۔



ایلس کا کہنا ہے کہ ان کے یہ ننھے منے فن پارے دنیا کو ری سائیکلنگ کی طرف متوجہ کرنے کا باعث بن سکتے ہیں کہ کس طرح ٹیکنالوجی کے کچرے کو کم سے کم کر کے انہیں کارآمد بنایا جائے۔
Urdu Khabrain
LifeStyle Khabrain, LifeStyle News, LifeStyle Urdu News, Pakistan LifeStyle News, Pakistani News, Urdu Khabrain, Urdu News, Viral LifeStyle News, بن, تتلیاں, رنگین, لائف-اسٹائل, ناکارہ, پرزے, کمپیوٹر, کے, گئیں

6ارب ڈالر دیکر بھی جان نہ چھوٹی ،شہزادہ ولید بن طلال دوبارہ نظر بند ،تشدد اور ہوٹل سے جیل منتقل کرنے کی اطلاعات پر بھی زبان کھول دی

https://goo.gl/krg5g6
ریاض(آن لائن)6 ارب ڈالر جرمانہ دے کر بھی ولید بن طلال کی جان نہ چھوٹی، سعودی شہزادہ گھر میں نظر بند ، بیرون ملک اثاثوں تک بھی رسائی نہیں ملی سکی ۔سعودی میڈیا رپورٹ کے مطابق اپنی رہائی سے چند روز قبل غیر ملکی خبر ایجنسی کو انٹرویو دیتے ہوئے سعودی شہزادہ ولید بن طلال نے کہا کہ ان سے متعلق افواہیں نشر کی گئیں کہ ان پر

تشدد کیا گیااور ہوٹل سے جیل منتقل کردیا گیا ہے۔ولید بن طلال کا کہنا تھا برطانوی نشریاتی ادارے نے ان سے متعلق افواہوں پر مبنی خبر نشر کی جس سے بہت مایوسی ہوئی۔ولید بن طلال کو ہفتے کے روز ڈیل پر رضامندی کے بعد رہا کردیا گیا تھا۔دوسری جانب برطانوی اخبار نے سعوی ولی عہد محمد بن سلمان کے قریبی ذرائع کے حوالے سے دعویٰ کیا ہے کہ ڈیل کے باوجود ولید بن طلال کو گھر میں نظر بند کیا گیا ہے اور انہیں ملک چھوڑنے کی اجازت بھی نہیں۔
Urdu Khabrain
Top World News, Urdu Khabrain, Urdu News, Viral World News, World Khabrain, World News, World Urdu News, انٹرنیشنل

ہوٹل میں مہمانوں کے لیے خود بخود حرکت کرنے والے جوتے

https://goo.gl/Kyntps
جاپان میں ایک ہوٹل میں ایسے جوتے پیش کردیے گئے جو خود بخود ایک جگہ سے دوسری جگہ جانے کی صلاحیت رکھتے ہیں۔

معروف آٹو موبائل کمپنی نسان کی جانب سے تیار کردہ یہ سلیپرز جاپان کے ایک ہوٹل کے داخلی دروازے پر رکھے گئے ہیں۔

جیسے ہی مہمان اندر داخل ہوتے ہیں وہ ان سلیپرز کو استعمال کرسکتے ہیں۔ اس کے بعد جب وہ انہیں اتار دیتے ہیں تو یہ سلیپرز خود بخود اپنی جگہ پر جا کر ترتیب سے سیٹ ہوجاتے ہیں۔



ان سلیپرز کے نیچے ننھے منے 2 پہیے لگے ہیں جو سینسرز اور کیمروں کی مدد سے حرکت کرتے ہیں۔

ان جوتوں کا آئیڈیا نسان کی سیلف پارکنگ کار سے لیا گیا ہے جو ڈرائیور کی موجودگی کے بغیر خود بخود پارکنگ میں جا کر پارک ہوجاتی ہیں۔

اس ہوٹل میں خودبخود حرکت کرنے والے (سیلف پارکنگ) میزیں اور کشنز بھی رکھے گئے ہیں جو ہوٹل میں آنے والے مہمانوں کی دلچسپی کا باعث بن جاتے ہیں۔


Urdu Khabrain
Pakistan Sci-Tech News, Pakistani News, Sci-Tech Khabrain, Sci-Tech News, Sci-Tech Urdu News, Urdu Khabrain, Urdu News, Viral Sci-Tech News, بخود, جوتے, حرکت, خود, سائنس و ٹیکنالوجی, لیے, مہمانوں, میں, والے, کرنے, کے, ہوٹل

بائیک پر رواں دواں پہلی خاتون کیپٹن

https://goo.gl/eNf36w
معروف ٹیکسی کمپنی کریم نے کچھ عرصہ قبل ہی کم پیسوں میں بائیک سروس بھی متعارف کروائی ہے، اور حال ہی میں ایک خاتون نے کریم بائیک کی پہلی خاتون کیپٹن بن کر ایک نئی مثال قائم کی ہے۔

کریم اس سے قبل بھی اپنی مختلف رائیڈ سروسز کے لیے خواتین کو بطور کیپٹن یا ڈرائیورز مقرر کر چکا ہے جس سے ایک طرف تو خواتین مسافروں کو سفر کرنے میں آسانی ہوتی ہے، دوسری جانب ضرورت مند خواتین کو بھی ایک باعزت ذریعہ روزگار فراہم ہوجاتا ہے۔



حال ہی میں کریم نے اعلان کیا ہے کہ انہوں نے رفعت شیراز کو بائیک سروس کے لیے پہلی خاتون کیپٹن مقرر کردیا ہے جو دیگر مرد ڈرائیورز کی طرح 12 گھنٹے اپنی ڈیوٹی سر انجام دیتی ہیں۔

رفعت کا کہنا ہے کہ وہ روزانہ بے شمار مسافروں بشمول مردوں کو ان کے گھروں سے لے کر ان کی منزل مقصود پر پہنچاتی ہیں۔ اس دوران انہیں مردوں کی جانب سے کسی بھی قسم کی ہراسمنٹ کا سامنا نہیں کرنا پڑا۔



ان کے مطابق انہیں عوام کی جانب سے نہایت حوصلہ افزا ردعمل موصول ہوا ہے جو ان کے اس انقلابی اور زندگی کی گزر اوقات کے لیے اٹھائے جانے والے قدم پر سراہتے ہیں۔
Urdu Khabrain
Business Khabrain, Business News, Business Urdu News, Pakistan Business News, Pakistani News, Top Business News, Urdu Khabrain, Urdu News, Viral Business News, بائیک, بزنس, خاتون, دواں, رواں, پر, پہلی, کیپٹن

سپریم کورٹ کی مہلت ختم ،ْ پولیس راؤ انوار کو گرفتار کرنے میں ناکام

https://goo.gl/xjG3ET
کراچی:نقیب اللہ قتل کیس میں نامزد معطل ایس ایس پی راؤ انوار کی گرفتاری کیلئے سپریم کورٹ کی تین روز کی مہلت ختم ہوگئی لیکن پولیس ملزم کو گرفتار نہ کرسکی۔13 جنوری کو کراچی کے علاقے شاہ لطیف ٹاؤن میں ایک پولیس مقابلے کے دوران نقیب اللہ محسود کو ہلاک کیا گیا جس کے بعد اس وقت ایس ایس پی ملیر کے عہدے پر تعینات راؤ انوار نے نقیب

اللہ کے دہشت گرد ہونے کا دعویٰ کیا تھا۔نقیب اللہ کی ہلاکت پر اس کے اہلخانہ سامنے آگئے اور شدید احتجاج کا سلسلہ شروع ہوگیا جس پر راؤ انوار نے مقابلے کا الزام ایس ایچ او شاہ لطیف ٹاؤن پر دھر دیاتاہم سندھ حکومت نے معاملے کی تحقیقاتی کمیٹی تشکیل دی جس نے پولیس مقابلے کو جعلی قرار دیا۔سپریم کورٹ نے بھی نقیب اللہ قتل کیس کا از خود نوٹس لیا اور دبئی فرار ہونے کی کوشش کرنے والے راؤ انوار کا نام ای سی ایل میں ڈالنے کا حکم دیا جبکہ عدالت نے 27 جنوری کے روز راؤ انوار کو طلب کیا تھا لیکن وہ پیش نہیں ہوئے۔راؤ انوار کیس کی تحقیقات بنائی جانے والی کمیٹی کے سامنے بھی پیش نہیں ہوئے اور انہوں نے کمیٹی کے سامنے پیش ہونے سے صاف انکار کیا۔سپریم کورٹ نے آئی جی سندھ اے ڈی خواجہ کو راؤ انوار کی گرفتاری کیلئے تین روز کی مہلت دی تھی جو ختم ہوچکی ہے۔آئی جی سندھ اے ڈی خواجہ نے راؤ انوار کی گرفتاری کیلئے گزشتہ دنوں حساس اداروں کو خط بھی لکھا اور ملزم کی گرفتاری کیلئے تکنیکی اور انٹیلی جنس معاونت کی درخواست کی لیکن ملزم اب تک گرفتار نہیں ہوسکا۔ہفتے کے روز سپریم کورٹ میں پیشی کے دوران آئی جی

سندھ اے ڈی خواجہ نے بے بسی کا اظہار کرتے ہوئے کہا تھا کہ اگر انہیں پتا ہوتا کہ راؤ انوار کہاں ہے تو پہلے ہی پکڑ کر لے آتے۔پولیس کی جانب سے راؤ انوار اور جعلی پولیس مقابلے میں شامل اہلکاروں کے موبائل فون کے فورانزک تجزیئے اور سی ڈی آر کیے گئے جس سے ثابت ہوا ہے کہ راؤ انوار مقابل کے وقت وقوعہ پر موجود تھے اور تمام اہلکار و افسران ایک دوسرے سے لمحہ بہ لمحہ رابطے میں رہے۔
Urdu Khabrain
Breaking Pakistani News, Daily Pakistan News, Online Pakistani News, Pakistan latest News, Pakistan News, Pakistan Urdu News, Pakistani Khabrain, Top Pakistani News, Urdu Khabrain, Urdu News, پاکستان

ٹی ٹونٹی میچز میں بنچ پر بٹھا کر ٹیم مینجمنٹ کا حفیظ کیلئے ’خاموش ‘ پیغام

https://goo.gl/KCnfCp
کراچی پاکستانی کرکٹ ٹیم اپنے دو سینئر ترین کھلاڑیوں شعیب ملک اور محمد حفیظ کی عدم موجودگی میں نیوزی لینڈ کےخلاف ٹی ٹونٹی سیریز جیتنے میں کامیاب رہی۔ شعیب ملک گردن پر گیند لگنے کی وجہ سے چوتھے میچ کے بعد وطن واپس آئے جبکہ محمد حفیظ کو ٹیم انتظامیہ نے تینوں ٹی ٹونٹی میچز میں بنچ پر بٹھایا۔کئی کرکٹ ماہرین کے مطابق نیوزی لینڈ

کے خلاف ٹی ٹونٹی میچز سے محمد حفیظ کو ڈراپ کر کے ٹیم انتظامیہ نے سینئر کرکٹر کو واضح پیغام دے دیا ہے کہ وہ اس فارمیٹ میں ان کے پلان کا حصہ نہیں ہیں۔50 ٹیسٹ ،200 ون ڈے اور81 ٹی ٹونٹی میچز کا تجربہ رکھنے والے 37سالہ محمد حفیظ نے کیویز کیخلاف ون ڈے سیریز میں دو نصف سنچریاں بنائیں لیکن ٹی ٹونٹی سیریز میں بنچ پر بیٹھے رہے ۔ محمد حفیظ اگست2016 ءکے بعد سے ٹیسٹ ٹیم کا حصہ نہیں ہیں اور اب باﺅلنگ ایکشن مشکوک قرار دیئے جانے کے بعد ان کی بیٹنگ میں غیر مستقل مزاجی ٹیم سے باہر کرنےکا سبب بن رہی ہے۔ ذرائع کے مطابق محمد حفیظ ٹیم انتظامیہ کے آئندہ سال ورلڈ کپ کے پلان میں بھی شامل نہیں ہیں۔
Urdu Khabrain