اسٹیفن ہاکنگ کے تھیسس آن لائن کرنے پر ویب سائٹ کریش

https://goo.gl/nJav8W

کیمبرج یونیورسٹی نے اسٹیفن ہاکنگ کے ڈاکٹریٹ کے تھیسس کو آن لائن کردیا جس کے فوری بعد لوگوں کی بڑی تعداد نے اسے پڑھنے کے لیے ویب سائٹ کا رخ کیا اور ویب سائٹ آن لائن ٹریفک کنٹرول نہیں کر پائی اور کریش کر گئی۔

خیال رہے کہ معروف سائنسدان اسٹیفن ہاکنگ نے اپنے تھیسس 1966 میں صرف 24 سال کی عمر میں مکمل کیے تھے۔ کائنات کی توسیع کی خصوصیات پر لکھے گئے اسٹیفن ہاکنگ کے تھیسس میں کائنات کی تخلیق کے خیالات کا تصور پیش کیا گیا تھا جو سائنسدانوں میں بے حد مقبول ہوئے۔

یونیورسٹی ذرائع کا کہنا تھا کہ اسٹیفن ہاکنگ کے تھیسس کی آن لائن بہت زیادہ مانگ دیکھی جارہی تھی جسے دیکھتے ہوئے پیر کے روز یونیورسٹی نے اسے ویب سائٹ پر مفت ڈاؤن لوڈ کے لیے پیش کیا گیا، جس کے بعد اس کو پڑھنے والوں کی بڑی تعداد کی وجہ سے ویب سائٹ لوڈ برداشت نہیں کرسکی اور لوگوں کی یونیورسٹی کی ویب سائٹ تک رسائی بالکل نا ممکن ہوگئی۔

اس حوالے سے معروف سائنسدان اسٹیفن ہاکنگ کا کہنا تھا کہ ان کے تھیسس کی آن لائن رسائی کافی لوگوں کو آسمان کی طرف دیکھنے اور نظام کائنات کو سمجھنے کے لیے آسانی پیدا کر سکتی ہے۔

قالب وردپرس

Urdu Khabrain
Pakistan Sci-Tech News, Pakistani News, Sci-Tech Khabrain, Sci-Tech News, Sci-Tech Urdu News, Urdu Khabrain, Urdu News, Viral Sci-Tech News, سائنس و ٹیکنالوجی