https://goo.gl/NuzDFu
بھارت نے بیمار پاکستانیوں کو ویزا نہ دینے کے لیے مشیر خارجہ سرتاج عزیز کے سفارشی خط کا بہانہ بنادیا۔
بھارت نے کہا ہے کہ مشیر خارجہ سرتاج عزیز کا سفارشی خط منسلک ہونے پر ہی بیمار پاکستانیوں کو میڈیکل ویزا ملے گا۔ بھارتی وزیر خارجہ سشما سوراج نے ٹوئٹ کرتے ہوئے کہا کہ ’’مجھے ان پاکستانیوں سے ہمدردی ہے جنہیں بھارت میں علاج کے لیے ویزا چاہیے اور یقین ہے کہ سرتاج عزیز کو بھی اپنے شہریوں کی اتنی ہی فکر ہوگی، لیکن درحقیقت پاکستانیوں کو ویزا جاری کرنے کے لیے سرتاج عزیز کا سفارشی خط ساتھ ہونا ضروری ہے اور مجھے سرتاج عزیز کی جانب سے اپنے ہی شہریوں کے لیے یہ خط نہ لکھنے کی کوئی وجہ نظر نہیں آتی‘‘۔
I am sure Mr.Sartaj Aziz also has consideration for the nationals of his country. /2
— Sushma Swaraj (@SushmaSwaraj) July 10, 2017
اس موقع پر سشما سوراج نے سزائے موت یافتہ بھارتی جاسوس کلبھوشن جادھو کا رونا بھی روتے ہوئے کہا کہ انہوں نے پاکستان سے کلبھوشن کی ماں کو ویزا جاری کرنے کی درخواست کی تھی جس کا جواب نہیں ملا۔
All that we require is his recommendation for the grant of medical visa to Pakistan nationals. /3
— Sushma Swaraj (@SushmaSwaraj) July 10, 2017
بھارتی وزیر خارجہ نے کہا کہ پاکستان نے آونتیکا جادھو کی ویزا درخواست کو منظور نہیں کیا جو اپنے بیٹے سے ملنا چاہتی ہے، میں نے آونتیکا جادھو کو ویزا جاری کرنے کے لیے سرتاج عزیز کو ذاتی طور پر خط لکھا تھا جس کا انہوں نے کوئی جواب تک دینے کی زحمت گوارا نہ کی، تاہم میں پاکستانیوں کو یقین دلاتی ہوں کہ جو بھی سرتاج عزیز کا سفارشی خط ساتھ لائے گا اسے فی الفور میڈیکل ویزا جاری کردیا جائے گا۔
واضح رہے کہ اسلام آباد میں بھارتی ہائی کمیشن نے منہ کے کینسر میں مبتلا لاہور کی رہائشی فائزہ نامی خاتون کو ویزا جاری نہیں کیا جس پر اسے کڑی تنقید کا نشانہ بنایا گیا ہے۔
Urdu Khabrain
No comments:
Post a Comment