کراچی کے مختلف علاقوں میں گرج چمک کے ساتھ موسلا دھار بارش

https://goo.gl/a5uR5V
ڈیفنس اور کلفٹن کے علاقوں میں ژالہ باری سے موسم سرد ہو گیا، شاہراہیں زیر آب آگئیں۔ فوٹو: فائل

کراچی: شہر کے مختلف علاقوں میں گرج چمک کے ساتھ تیز بارش کا سلسلہ جاری ہے جب کہ سردی کی شدت میں اضافہ ہو گیا۔ ایکسپریس نیوز کے مطابق کراچی اور گرد و نواح کے علاقوں میں گرج چمک کے ساتھ موسلا دھار بارش کا سلسلہ جاری ہے جس کے باعث شہر کے مختلف علاقے جل تھل ہوگئے جبکہ کئی علاقوں میں بجلی کی آنکھ مچولی کا سلسلہ بھی شروع ہو چکا ہے۔ کراچی میں ڈیفنس اور کلفٹن کے علاقوں میں ژالہ باری جب کہ اورنگی ٹاؤن، سعید آباد، نارتھ کراچی، نارتھ ناظم آباد، گلشن اقبال، اولڈ سٹی ایریا، کورنگی، لانڈھی، ناظم آباد، لیاری اور ملیر کے نواحی علاقوں میں موسلا دھار بارش ریکارڈ کی گئی تاہم رات گئے برسنے والی تیز بارش کے نتیجے میں سینکڑوں فیڈر ٹرپ ہونے سے شہر کا بڑا علاقہ بجلی سے محروم ہو گیا۔
Urdu Khabrain