انٹرنیٹ کی دنیا میں پاکستان نے بھارت سمیت کئی ممالک کو پیچھے چھوڑ دیا

https://goo.gl/qDnsRP
اسلام آباد: پاکستان نے تیز ترین موبائل انٹرنیٹ فراہم کرنے کے معاملے میں بھارت سمیت کئی ممالک کو پیچھے چھوڑ دیا۔

تفصیلات کے مطابق انٹرنیٹ کی اسپیڈ پر نظر رکھنے والی عالمی کمپنی اسپیڈ ڈاٹ نیٹ کی جانب سے تیز ترین انٹرنیٹ سروس کی رپورٹ جاری کی گئی، جس میں نوروے سرفہرست رہا۔ رپورٹ کے مطابق رواں پاکستان میں انٹرنیٹ کا استعمال نومبر سے قدرے کم تھا اُس کے باوجود پاکستان نے عالمی رینکنگ میں 89 پوزیشن حاصل کی جبکہ گزشتہ ماہ فہرست میں 86ویں نمبر پر نام موجود تھا۔ اسپیڈ ڈاٹ نیٹ کے مطابق پاکستان میں 56 فیصد صارفین انٹرنیٹ استعمال کرتے ہیں دیگر ممالک ایشیائی ممالک میں اس وجہ سے پاکستان آگے نکل گیا۔ رپورٹ کے مطابق پاکستان میں 13 ایم بی فی سیکنڈ کے حساب سے استعمال کیا جاتا ہے جو دیگر ممالک کے مقابلے میں کہی زیادہ ہے۔ واضح رہے کہ  پاکستان میں تھری اور فور جی کی کامیابی کے بعد حکومت نے صارفین کو 5 جی سروس فراہم کرنے کی تیاریاں شروع کردی ہیں۔

وفاقی حکومت کی منظوری کے بعد وزارتِ انفارمیشن ٹیکنالوجی نے 5 جی سروس کی فراہمی کے فریم ورک کی تیاری شروع کردی، ابتدائی طور پر یہ سروس تجرباتی بنیادوں پر مہیا کی جائے گی۔ واضح رہے کہ پاکستان میں گزشتہ برس سے تھری اور فور جی سروس کا آغاز کیا گیا اور آج اس کے صارفین کی تعداد 4 کروڑ سے تجاوز کرچکی ہے، انٹرنیٹ کی نئی سروس آنے کے بعد پاکستان کا شمار دنیا کے اُن ممالک میں ہوگا جو صارفین کو 5جی سروس فراہم کررہے ہیں۔
Urdu Khabrain
Pakistan Sci-Tech News, Pakistani News, Sci-Tech Khabrain, Sci-Tech News, Sci-Tech Urdu News, Urdu Khabrain, Urdu News, Viral Sci-Tech News, انٹرنیٹ, بھارت, دنیا, دیا, سائنس و ٹیکنالوجی, سمیت, ممالک, میں, نے, پاکستان, پیچھے, چھوڑ, کئی, کو, کی