مزیدار چپلی کباب تیار کریں

https://goo.gl/KJ6EEr
پشاور کے چپلی کباب پاکستان بھر کے علاوہ دنیا بھر میں بھی اپنی لذت اور ذائقہ کے لیے مشہور ہیں۔ چپلی کبابوں کے بننے کی خوشبو نہ صرف مقامی افراد بلکہ باہر سے آنے والوں کو بھی اپنی طرف کھینچتی ہے۔

چپلی کباب خاص طور پر گائے کے گوشت سے بنائے جاتے ہیں مگر یہ بکرے، بھیڑ اور مرغی کے گوشت سے بھی بن سکتے ہیں۔ چپلی کباب پشتو کے لفظ چپرخ سے نکلا ہے، جس کا معنی ہے گول، یا چپٹا۔
آج ہم آپ کو مزیدار چپلی کباب بنانے کی ترکیب بتا رہے ہیں جنہیں کھانے کے بعد سردیوں کا لطف دوبالا ہوجائے گا۔

باریک قیمہ: 500 گرام

پیاز: 1 سے 2 عدد۔ باریک کٹی ہوئی

ٹماٹر: درمیانہ سائز کے 2 عدد چھوٹے ٹکڑوں میں کٹے ہوئے

ہری مرچ: 2 سے 4 عدد، باریک کٹی ہوئی

ہرا دھنیہ اور پودینہ: حسب ذوق

انڈا: 1 عدد، پھینٹا ہوا

تیل: آدھا کپ

چپلی کباب مصالحہ: ایک پیکٹ

قیمے میں چپلی کباب کا مصالحہ ملالیں۔

ٹماٹر، پیاز، ہری مرچ، ہرا دھنیہ، پودینہ اور انڈا شامل کر کے اچھی طرح مکس کرلیں۔

اس کے بعد آدھے گھنٹے کے لیے قیمہ رکھ دیں۔

اب حسب ضرورت بڑے اور باریک کباب بنا لیں۔

تیل میں کباب تل لیں۔ سلاد اور پودینے کی چٹنی کے ساتھ گرما گرم چپلی کباب پیش کریں۔
Urdu Khabrain
Cooking Khabrain, Cooking News, Cooking Urdu News, Pakistan Cooking News, Pakistani News, Urdu Khabrain, Urdu News, Viral Cooking News, تیار, فوڈ, مزیدار, چپلی, کباب, کریں