ننھے سے سوراخ کے ذریعے آکٹوپس کا فرار

https://goo.gl/jrB4dN

کیا آپ جانتے ہیں سمندر میں رہنے والا آکٹوپس جسے اپنی 8 ٹانگوں کی وجہ سے ہشت پا بھی کہا جاتا ہے انتہائی ذہین ہے؟

اب سے 40 کروڑ سال قبل وجود میں آنے والا یہ جانور زمین کے اولین ذہین جانوروں میں شمار کیا جاتا ہے۔ یعنی جس وقت یہ زمین پر موجود تھا، اس وقت ذہانت میں اس کے ہم پلہ دوسرا اور کوئی جانور موجود نہیں تھا۔

آکٹوپس میں ایک خاصا بڑا دماغ پایا جاتا ہے جس میں نصف ارب دماغی خلیات (نیورونز) موجود ہوتے ہیں۔

اس دماغ کے باعث یہ معمولی نوعیت کے پزل حل کرسکتا ہے جبکہ پالتو آکٹوپس اپنے مالک کو پہچاننے کی حیران کن صلاحیت بھی رکھتا ہے۔

آکٹوپس چونکہ ایک غیر فقاری (ان ورٹی بریٹ) جانور ہے یعنی ان میں ریڑھ کی ہڈی موجود نہیں لہٰذا یہ معمولی جگہوں سے باآسانی گزر جاتے ہیں۔

زیر نظر ویڈیو بھی ایسے ہی آکٹوپس بھی ہے جو ایک ننھے سے سوراخ کے ذریعے ایک کشتی سے آزاد ہوکر سمندر میں جا پہنچتا ہے۔


Urdu Khabrain