ویڈیو گیم کھیلنےسےروکنےپرشوہرنےبیوی کوطلاق دے دی

https://goo.gl/aAHz4w

کوالالمپور: ملائیشیا میں ویڈیو گیم کھیلنے سے روکنے اور ویڈیو گیم اکاؤنٹ فروخت کرنے پرشوہر نے بیوی کو طلاق دے دی۔

تفصیلات کے مطابق ملائیشیا میں ایک شخص نے اپنی بیوی کو صرف اس بات پر طلاق دے دی کہ وہ اسے ویڈیو گیم کھیلنے سے روکتی تھی۔

غیرملکی میڈیا کے مطابق خاتون کا تعلق چین سے ہے اور وہ شادی کے بعد ملائیشیا آگئی تھیں سب کچھ ٹھیک چلتا رہا لیکن کنگ آف گلوری ویڈیو گیم ریلیز ہونے کے بعد اس کے شوہر کو اس گیم کی لت لگ گئی۔

خاتون نے تنگ آکر ایک اپنے شوہر کا اسمارٹ فون اٹھایا اور اس کا گیم اکاؤنٹ فروخت کردیا جس پر اس کے شوہر نے اسے گھر سے باہر نکال دیا اور کہا کہ وہ اسے طلاق دے رہا ہے۔

بیوی کے اس اقدام پر اسے طلاق ملنا ویڈیو گیم کے مضر اور بڑھتے ہوئے منفی اثرات کی ایک کہانی ہے۔

خیال رہے کہ کچھ روز قبل عالمی ادارہ صحت نے ویڈیو گیم کی غیرمعمولی عادت کو ایک دماغی مرض قرار دیا اور اس کے خطرات سے بھی آگاہ کیا تھا۔

یاد رہے کہ کنگ آف گلوری گیم کو لگاتار کئی ہفتوں تک کھیلنے والا ایک نوجوان اسی لت کی بنا پراپنی جان کی بازی بھی ہار چکا ہے۔
Urdu Khabrain
Pakistan Sci-Tech News, Pakistani News, Sci-Tech Khabrain, Sci-Tech News, Sci-Tech Urdu News, Urdu Khabrain, Urdu News, Viral Sci-Tech News, دی, دے, سائنس و ٹیکنالوجی, ویڈیو, کوطلاق, کھیلنےسےروکنےپرشوہرنےبیوی, گیم