روم کے تاریخی کولوزیم کی سیر کریں

https://goo.gl/ADvWTs
کیا آپ نے روم کے تاریخی مقام کولوزیم کے بارے میں سنا ہے؟

اٹلی کے دارالحکومت روم میں واقع کولوزیم تاریخی اہمیت کا حامل ہے۔ 72 عیسوی میں تعمیر کیا جانے والا یہ وسیع و عریض ہال کئی مقاصد کے لیے استعمال کیا جاتا تھا۔ اس میں ڈرامے پیش کیے جاتے تھے جو مختلف تاریخی جنگوں پر بنائے جاتے تھے۔



اہل روم کے لیے ایک تفریح لڑائی دیکھنا بھی تھی۔ یہاں اکثر لڑائیاں بھی منعقد کی جاتی تھی جن میں سے ایک فریق اکثر انسان اور دوسرا کوئی خونخوار جانور ہوتا تھا۔ ان لڑائیوں کا اختتام کسی ایک فریق کی موت کی صورت میں ہوتا تھا۔



ہالی ووڈ فلم ’گلیڈی ایٹر‘ کا ایک منظر

یہاں مجرموں کو پھانسی بھی دی جاتی تھی جس کے لیے گلوٹین کا استعمال کیا جاتا تھا۔ گلوٹین ایک تختہ اور تیز دھار آلے پر مشتمل ہوتا تھا جس کے اوپر مجرم کو لٹایا جاتا اور اوپر سے تیز دھار آلہ آ کر اس کی گردن پر گرتا تھا۔



رومی ان پھانسیوں کو دیکھنے کے لیے بڑے شوق سے جمع ہوا کرتے تھے۔ یہاں روم کے ماہر شمشیر زنوں کو تربیت بھی دی جاتی تھی۔



کولوزیم میں بیک وقت 80 ہزار افراد کے بیٹھنے کی گنجائش تھی۔ وقت گزرنے کے ساتھ ساتھ یہ کولوزیم کھنڈر میں تبدیل ہوچکا ہے تاہم اب بھی دنیا بھر سے سیاح اسے دیکھنے کے لیے کھنچے چلے آتے ہیں۔



ایسے ہی ایک شوقین سیاح نے ڈرون کیمرے کی مدد سے کولوزیم کی فضائی منظر کشی کی ہے۔ آئیے آپ بھی اس سحر انگیز ویڈیو سے لطف اندوز ہوں۔


Urdu Khabrain
LifeStyle Khabrain, LifeStyle News, LifeStyle Urdu News, Pakistan LifeStyle News, Pakistani News, Urdu Khabrain, Urdu News, Viral LifeStyle News, تاریخی, روم, سیر, لائف-اسٹائل, کریں, کولوزیم, کی, کے