پاکستان کے ساتھ تعلقات بہتر بنانے کے لئے پرعزم ہیں، امریکی جنرل جوزف ڈنفورڈ

https://goo.gl/cUncpK

امریکا کے چیئرمین جوائنٹس چیفس آف اسٹاف جنرل جوزف ڈنفورڈ نے کہا ہے کہ پاکستان کے ساتھ تعلقات بہتر بنانے کے لئے پرعزم ہیں۔ اسلام آباد کے ساتھ تعلقات بہتر بنانے کی کوشش ترک نہیں کریں گے۔ پاک امریکا افواج کے درمیان مذاکرات ہی تعلقات بہتر کرنے کا درست طریقہ ہے۔

امریکا کے چیئرمین آف جوائنٹس چیفس آف اسٹاف نے برسلز میں میڈیا سے گفتگو کرتے ہوئے کہا کہ پاک امریکا تعلقات کے حوالے سے سرعام گفتگو کرنا نہیں چاہتے۔ ہم تعلقات کو بہتری کے راستے پر لانے کے لئے کوشاں ہیں۔

پاک فوج کے ساتھ امریکی فوج کی سینٹرل کمانڈ کے سربراہ جنرل جوزف ووٹل مذاکرات جاری رکھیں گے جبکہ وہ اور وزیر دفاع جم میٹس بھی تعاون کریں گے۔ ان کا کہنا تھا مجھے یقین ہے پاک امریکا افواج کے درمیان مذاکرات ہی وہ درست راستہ ہے جس سے دونوں ممالک کے کشیدہ تعلقات میں بہتری آسکتی ہے۔
Urdu Khabrain
Pakistan World News, Pakistani News, Top World News, Urdu Khabrain, Urdu News, Viral World News, World Khabrain, World News, World Urdu News, انٹرنیشنل