اب خلامیں ہوگی فائیوسٹارہوٹل کی تعمیر

https://goo.gl/MnMzaF
ماسکو(نیوز ڈیسک ) ویسےتو امریکی ادارے ٹیسلا نے2022 تک انسانوں کی پہلی کھیپ کو مریخ پر لے جانے کا اعلان کیا ہے، تاہم امریکا کے حریف ملک روس نے اعلان کیا ہے کہ وہ 2022ء تک بین الاقوامی خلائی اسٹیشن پر فائیو اسٹار ہوٹل تعمیر کرے گا، اس ہوٹل میں لائونج ایریا بھی ہوگا جس میں 16؍ انچ کی کھڑکی ہوگی جبکہ دو ہائیجین اور میڈیکل اسٹیشن

بھی ہوں گے، سیاحوں کی صحت کیلئے انہیں ورزش کے آلات اور وائی فائی کی سہولت بھی فراہم کی جائے گی۔تفصیلات کے مطابق روس نے اعلان کیا ہے کہ وہ 2022ء تک بین الاقوامی خلائی اسٹیشن پر فائیو اسٹار ہوٹل تعمیر کرے گا، غیر ملکی میڈیا کے مطابق روسی خلائی ایجنسی روسکوسموس نے اس سلسلے میں تحقیق کا سلسلہ شروع کر دیا ہے اور مختلف منصوبوں کا جائزہ لیا جا رہا ہے، خلا میں گردش کرتے اس پرتعیش ہوٹل (لگژری آربیٹل سوئیٹ) میں چار کمرے ہوں گے جن میں سے ہر ایک حجم دو مکعب میٹرز ہوگا۔ کمرے میں زمین کو دیکھنے کیلئے روشن دان بھی ہوگا لیکن یہاں قیام سستہ نہیں ہوگا، سیاحوں سے ایک سے دو ہفتے کے قیام کیلئے 40؍ ملین ڈالرز ( تقریباً 4؍ ارب 42؍ کروڑ 35؍ لاکھ روپے) فی کس وصول کیے جائیں گے جبکہ ایک ماہ کے قیام کیلئے اضافی 15؍ ملین ڈالرز وصول کیے جائیں گے۔
Urdu Khabrain
Pakistan Sci-Tech News, Pakistani News, Sci-Tech Khabrain, Sci-Tech News, Sci-Tech Urdu News, Urdu Khabrain, Urdu News, Viral Sci-Tech News, سائنس و ٹیکنالوجی