سعودی کنگ سلمان نے غیر ملکی سرکاری ملازمین کی تنخواہوں کی ادائیگی سے متعلق نئے احکامات جاری کر دئیے

https://goo.gl/AmegTp
ریاض (نیوزڈیسک) گزشتہ چند مہینوں میں سعودی عرب کی تعمیراتی کمپنیاں “اوگر” اور “بن لادن” اخبار کی سرخیوں کا حصہ رہی ہیں کہ انہوں نے غیر ملکی سرکاری ملازمین کی تنخواہیں ادا نہیں کیں ہیں جسکی وجہ سے ریاست کے شاہ سلمان نے ہزاروں غیر ملکیوں کے تنخواہوں کے مسئلے کو حل کرنے کے لیے کمپنیوں کو100 ملین ریال سعودی فںڈز

ڈیپارٹمنٹ میں جمع کرانے اور دیگر احکامات جاری کیے ہیں۔ یہ احکامات اس لیے جاری کیے گئے ہیں کہ تاکہ تمام غیر ملکی سرکاری ملازمین کی تنخواہوں کے مسئلے کو حل کیا جا سکے ۔ صباق اخبار کے مطابق شاہ سلمان نے کمپنیوں کو احکامات جاری کیے ہیں کہ وہ تحفظ پروگرام کے تحت تمام سرکاری ملازمین کی تنخواہیں ادا کیا کریں گے۔ شاہ سلمان کے ان نئے احکامات کے مطابق سعودی لیبر وزارت کمپنیوں کو تب تک فنڈز ادا نہیں کرئے گی جب تک کمپنیوں کی جانب سے حکومت کو اس بات کی تصدیق نہیں کر دی جائے گی کہ کارکنوں کی تنخواہیں وقت پر ادا کی گئیں ہیں۔ آئندہ سے کمپنیاں سعودی عرب فنڈ میں 100 ملین فنڈ جمع کروائیں گی تاکہ کمپنیاں اگر ملازمین کو تنخواہیں بروقت ادا نہ کر سکیں تو ملازمین کے مسائل کا حل ان فنڈز کے ذریعے سے نکالا جا سکے ۔
Urdu Khabrain