ڈی جی سول ایوی ایشن کے رویئے کے خلاف افسران وملازمین کی بغاوت

https://goo.gl/3V4fmj
ڈی جی سول ایوی ایشن کے رویئے کے خلاف افسران و ملازمین کی بغاوت کے بعد انتظامی ڈھانچہ مفلوج ہونے کا خدشہ پیدا ہوگیا۔

ڈائریکٹر جنرل سول ایوی ایشن ایئر مارشل ریٹائرڈ عاصم سلیمان کے ملازمین کے ساتھ رویے کو سینئر افسران وملازمین نے ہتک آمیز قرار دیتے ہوئے سخت موقف اختیار کیا اور مشیر ہوا بازی کو خط تحریر کیا جس میں ادارے کے سربراہ کی دماغی حالت کو مشکوک قرا ر دیتے ہوئے مطالبہ کیا گیا کہ ان کا طبی معائنہ کرایا جائے اور ان کی جگہ کسی سنجیدہ اور اہل آفیسر کا تقرر کیا جائے۔ ذرائع کے مطابق آج مزید 32 ایڈیشنل ڈائریکٹرز نے ڈی جی سول ایوی ایشن کے خلاف ہتک آمیز سلوک کے معاملے پر درخواست دی جب کہ ڈی جی سی اے اے کے خلاف ایوی ایشن ڈویژن کو ارسال کیے گئے خطوط کی تعداد 3 ہوگئی اور ائیرٹریفک کنٹرولرگلڈ بھی ڈی جی کے خلاف افسران وملازمین کے مؤقف کی تائید کرچکا ہے۔

واضح رہے کہ وفاقی حکومت نے ایئر مارشل ریٹائرڈ عاصم سلیمان کو نومبر 2015 کو ڈی جی سول ایوی ایشن مقررکیا تھا اور اپنی تقرری کے بعد سے ہی ڈی جی تمام افسران و اہلکاروں کے خلاف انتہائی اقدامات اٹھارہے ہیں اور خاص طورپر توہین آمیز اور گندی زبان استعمال کرتے ہیں۔
Urdu Khabrain
Breaking Pakistani News, Daily Pakistan News, Online Pakistani News, Pakistan latest News, Pakistan News, Pakistan Urdu News, Pakistani Khabrain, Top Pakistani News, افسران, ایشن, ایوی, بغاوت, جی, خلاف, رویئے, سول, وملازمین, پاکستان, ڈی, کی, کے