بلڈ کینسرمیں مبتلابچے کی خواہش پوری کردی گئی

https://goo.gl/9RFh96
بہاولپور:پولیس نےدو سال سے کینسر جیسے مہلک مرض سے لڑنے والے بہادر بچے کی ڈالفن فورس کے موٹر سائیکل پر سواری کی خواہش کو پورا کردیا ۔

پانچ سال کا محمد علی گزشتہ دو سال سے بلڈ کینسر جیسے موذی مرض کے سامنے بہادری کی مثال بنے ہوئے ہے ۔ اپنی بیماری کی وجہ سے گھر میں ہی پڑھائی کا شوق پورا کر رہا ہے۔

محمد علی نے اپنے والدین سے ڈالفن فورس کے موٹر سائیکل پر سیر کرنے کی خواہش کا اظہار کیا تو والدین نے بچے کی درخواست ڈالفن فورس کو بتائی جس پر انچارج نے ڈی پی او بہاولپور سے بچے کی خواہش پوری کرنے کے لیے فوری اجازت لی۔

ڈالفن فورس پولیس کے موٹر سائیکل پر سیر کر کے محمد علی کی خوشی دیدنی تھی ، ڈالفن والوں نے بچے کی خوشی میں مزید اضافہ کرنے کے لیے اسے غبارے اور مٹھائی کا تحفہ بھی دیا۔

ڈالفن فورس کے اچھے برتاؤ سے متاثر ہو کر محمد علی نے بھی بڑے ہو کر ڈالفن فورس کی طرح پولیس مین بننے کی خواہش کا اظہار کیا ہے۔
Urdu Khabrain
Health Khabrain, Health News, Health Urdu News, News, Pakistan Health News, Pakistani News, Samaa, Top Health News, Urdu, Urdu Khabrain, Urdu News, Viral Health News, بلڈ, خواہش, صحت, مبتلابچے, پوری, کردی, کی, کینسرمیں, گئی