پاکستان کی کم عمر ترین تیر انداز

https://goo.gl/a8aDSs
خیبر ایجنسی: فاٹا سے تعلق رکھنے والی 15 سالہ مسکان آفریدی پشاور میں ہونے والی چھٹی قومی تیر اندازی چیمپیئن شپ میں حصہ لینے کو تیار ہیں۔ وہ پاکستان کی پہلی خاتون اور سب سے کم عمر ترین تیر انداز ہیں۔

نہایت کم عمری سے اس کھیل میں مہارت حاصل کرنے والی مسکان گزشتہ چیمپیئن شپ میں تیسری پوزیشن لے چکی ہیں جبکہ انہوں نے خیبر پیس گیمز اور گورنر یوتھ اسپورٹس فیسٹیول میں بھی پہلی پوزیشن حاصل کی تھی۔

مسکان کا کہنا ہے کہ وہ پرامید ہیں کہ اس بار قومی چیمپیئن شپ میں فتح حاصل کر کے وہ فاٹا کا نام سر بلند کریں گی۔

انہوں نے فاٹا میں کھلاڑیوں کے لیے سہولیات کی عدم دستیابی پر بھی بات کی اور حکومت سے اپیل کی کہ دیگر صوبوں کی طرح فاٹا کے کھلاڑیوں کو بھی جدید سہولیات اور ساز و سامان فراہم کیا جائے۔

ان کے مطابق سہولیات کی عدم فراہمی ہی کی وجہ سے فاٹا سے اب تک کوئی اچھا کھلاڑی سامنے نہیں آسکا۔
Urdu Khabrain
Pakistan Women News, Pakistani News, Urdu Khabrain, Urdu News, Viral Women News, Women Khabrain, Women News, Women Urdu News, انداز, ترین, تیر, خواتین, عمر, پاکستان, کم, کی