اسمارٹ فون میں تبدیل ہونے والی اسمارٹ واچ

https://goo.gl/JzDuPp
ایک نئی اسٹارٹ اپ کمپنی نے ایسی اسمارٹ واچ تیار کی ہے جو واچ کے فریم سے باہرنکل آتی ہے اور اسمارٹ فون میں تبدیل ہوجاتی ہے۔

جیمز بونڈ فلموں کی طرح تیار کی جانے والی اس گھڑی کو ’’شیل اسمارٹ واچ‘‘ کا نام دیا گیا ہے جسے ڈبل ڈیوٹی موبائل آلہ کہا جاسکتا ہے۔

انٹرنیٹ کی کراؤڈ فنڈنگ کے بعد یہ ایجاد اگلے ماہ فروخت کی جائے گی جو گھڑی بھی ہے اور موبائل فون بھی۔

عام حالات میں شیل واچ آپ کی کلائی کے سانچے میں فٹ ہو کر اسمارٹ واچ کا کام کرتی رہتی ہے لیکن جب آپ اس سے فور جی رابطہ کرتے ہیں تو اس گھڑی سے اس کے ماؤتھ پیس (مائیک) اور ایئر پیس (اسپیکر) باہر آجاتے ہیں جو اسے اسمارٹ اینڈروئیڈ فون بنادیتے ہیں۔

یہ دونوں ایک طرح کے انٹینا کا کام بھی کرتے ہیں۔

واچ موڈ میں اسمارٹ فون گھڑی بن کر کلائی کے بیلٹ کا حصہ بن جاتا ہے۔

دوسری جانب پوری واچ واٹر پروف ہے جس میں وائی فائی، جی پی ایس اور جی ایس ایم فنکشن کی سہولتیں بھی فراہم کی جارہی ہیں۔
Urdu Khabrain
Pakistan Sci-Tech News, Pakistani News, Sci-Tech Khabrain, Sci-Tech News, Sci-Tech Urdu News, Urdu Khabrain, Urdu News, Viral Sci-Tech News, سائنس و ٹیکنالوجی